Հայաստանի Հանրապետության նախագահ Արմեն Սարգսյանի հրամանագրով ՀՀ գլխավոր դատախազ Արթուր Դավթյանին շնորհվել է արդարադատության երկրորդ դասի պետական խորհրդականի դասային աստիճան։
«ՉԻ». Հետաքրքիր է, որ երբ ՀՀ ԱԱԾ պետ Արթուր Վանեցյանին և ՀՀ ոստիկանապետ Վալերիյ Օսիպյանին գեներալի կոչումներ տվեցին, դրանից հետո երկուսին էլ աշխատանքից ազատեցին:
Արթուր Դավթյանին էլ արդարադատության համակարգի գեներալի կոչում են տվել: Ուրեմն, Շերլոկ Հոլմսի դեդուկտիվ մեթոդը կիրառելով, ենթադրվում է, որ Արթուր Դավթյանին էլ են պաշտոնանկ անելու: Եթե, իհարկե, արդարադատության համակարգի գեներալ-գնդապետի կոչում չտան: Այդ դեպքում բանը միայն պաշտոնանկությամբ կարող է չավարտվել: