Լուրեր
11.07.2020 / 12:00
Լուր-մեկնաբանություն
11.07.2020 / 10:00
4rd.am на русском
11.07.2020 / 09:30
Լուրեր
11.07.2020 / 09:30
25.06.2020   13:00
918

Գյուղացիները Մարությանից պատասխան են պահանջում. բողոքի ակցիա


Արարատի մարզի Հայանիստ համայնքի մի խումբ բնակիչներ ավտոբուս ունենալու պահանջով Երևանի քաղաքապետարանի առաջ են: Նրանք քաղաքապետ Հայկ Մարությանից պահանջում են, որ թույլ տա 35 համար ավտոբուսը կրկին հասնի իրենց գյուղ:

Մայիսի 18-ից հետո հայանիստցիներն ու հարևան Խաչփար համայնքի բնակիչները զրկվել են գյուղը մայրաքաղաքին կապող երթուղային տրանսպորտից: Տասնյակ գյուղացիներ տրանսպորտի բացակայության պատճառով իրենց աշխատանքն են կորցրել:

«Մենք նամակ ենք հանձնել, բայց պատասխան չկա: Ուզում ենք իմանալ, թե ում քմահաճույքով են 6 գյուղեր զրկվել ավտոբուսից: Քաոսային իրավիճակ է հիմա գյուղերում, որոնք զրկվել են տրանսպորտից: 1 ամիս է՝ դիմում ենք, բայց հարցի լուծում չկա: Մենակ ասում են՝ կարանտին է: Այդ կարանտինը միայն մե՞զ վրա ազդեց: Տնից դուրս ենք գալիս, խալխի տղամարդիկ են մեզ քաղաք հասցնում: Արգավանդից 35 համարի ավտոբուս եմ նստել, դատարկ գնացել է մինչև Մասիվ, միայն ես եմ նստած եղել: Իսկ գյուղերի ժողովուրդը մնում են դրսում»,- «ՉԻ»-ի հետ զրուցում ասաց Հայանիստի բնակչուհի Տաթև Ավետիսյանը:

Մեկ շաբաթ առաջ գյուղացիները նամակ էին փոխանցել քաղաքապետին և բողոքի ակցիա անցկացրել համայնքում:
35 համարի ավտոբուսը երթուղուց հանելուց հետո իշխանությունները այլընտրանքային երթուղի են առաջարկել գյուղացիներին:

Մի քանի օր է՝ 35-ի փոխարեն հարևան Դարբնիկ համայնքի 473 համարի երթուղայինը վերջնակետը Հայանիստ համայնքի Գետաշեն թաղամասն է դարձրել: Հայանիստցիները, սակայն, հրաժարվում են նոր երթուղուց՝ պնդելով, որ այն իրենց ճանապարհն ավելի է երկարացնում և կրկնակի էլ ճանապարհածախս են վճարում:

«Ինչ-որ 473 համարի գազել են բերել: Օրվա մեջ մի երկու անգամ հազիվ գյուղ է մտնում: Մենք մերժում ենք այս տարբերակը: Այդ գազելը ոչ մեկին ձեռք չի տալիս, մեր ճանապարհը երկարում է: 473-ը Մասիսի 5 գյուղով գնում, հասնում է 3-րդ մաս: Սխալ լուծման տարբերակ են մեզ առաջարկել: Թամամ աշխարհ պտույտ է գալիս, մի ժամ հետո քաղաք ենք հասնում»,- բողոքում են գյուղացիները:

Հայանիստի բնակիչներն իրենց բողոքի ձայնը բարձրացրել են նաև կառավարության առաջ: Բողոքի ակցիայից հետո 2 ավտոբուս են հատկացրել համայնքին, բայց դրանք աշխատել են մինչև օրվա կես և դարձյալ հրաժարվել սպասարկել համայնքները:

«Եթե խնդիրը չլուծվի, մենք էլ քաղաքապետ Մարությանի սիթքոմի հերոսներից Ազիզյանի նման պետք է քոչենք Ռուսաստան, մոռանանք տուն-տեղ, կամ դիմենք ծայրահեղ միջոցի: 6 գյուղի տրանսպորտ է հանվել, հայտնվել ենք իզգոյ վիճակում, չենք հասկանում այս գյուղերը քարտեզում չկա՞ն»,- սրտնեղեցին հավաքվածները:

Տեղեկություններ կան, որ 35 համարի ավտոբուսը սպասարկող «Երևան ավտոբուս» ՓԲԸ-ն բողոքել է, որ շահույթով չի աշխատում և հրաժարվում է գյուղեր մտնել:

Գյուղացիները չեն կարողանում օգտվել նաև համայնքի միջով անցնող 487 համարի երթուղուց: Այն աշխատում է գերծանրաբեռված ռեժիմով՝ 12 գյուղ է սպասարկում: Բնակիչների տեղափոխումը լիարժեք չի կատարվում: Իսկ Գետաշեն թաղամասի բնակիչները ստիպված են 1,5 կմ ճանապարհը ոտքով անցնել, որ կարողանան այդ երթուղուց օգտվել:

Հայանիստցիները պնդում են, որ պայքարելու են մինչև վերջ, այնքան ժամանակ, մինչև գյուղը կրկին տրանսպորտ ունենա և կարողանան մայրաքաղաք աշխատանքի գնալ:

Մանյա Պողոսյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         տրանսպորտ, Մանյա Պողոսյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



Տիկին կոշկակարը















































Ստոպ-կադր
Ստոպ-կադր
04.07.2020 / 666