Պատրաստեք հավի բդիկներով այս համեղ ուտեստը:
Բաղադրիչները
6 բաժնի համար
- 900 գ հավի բդիկ
- 1/2 բաժակ եգիպտացորենի փաթիլներ
- 1 բաժակ ցորենի ալյուր
- 5 ճ.գ. բուսական յուղ
- 1 թ.գ. սխտորի փոշի
- աղացած սև պղպեղ
- աղ
Պատրաստման եղանակը
- Հավի բդիկները 10 րոպեով մտցրեք տաք աղաջրի մեջ: Հանեք ջրի միջից, հովացրեք:
- Եգիպտացորենի փաթիլները խառնեք ալյուրի, աղի, սխտորի փոշու և աղացած սև պղպեղի հետ:
- Հավի բդիկները թաթախեք պատրաստած խառնուրդի մեջ, թավայի մեջ տաքացրեք յուղը, բդիկները տապակեք յուղի մեջ մինչև ոսկեգույն երանգ ստանալը:
- Մատուցեք տաք վիճակում բանջարեղենային խավարտի հետ մեկտեղ: