Այս ապուրը կարելի է պատրաստել ինչպես թարմ շամպինյոններով կամ անտառի սնկով, այնպես էլ չորացրած սնկերով: Եթե չորացրած սունկ եք օգտագործելու, այն նախապես 30 րոպեով թրջեք ջրի մեջ:
Բաղադրիչները
4 բաժնի համար
- 300 գ շամպինյոն
- 4 բաժակ ջուր
- 100 գ վարսակի փաթիլներ
- 1 գլուխ սոխ
- 1 հատ գազար
- 2 ճ.գ. մաղադանոսի կտրտած տերևներ
- 2 ճ.գ. բուսական յուղ
- աղ
Պատրաստման եղանակը
- Շամպինյոնների վրա լցրեք սառը ջուրը, դրեք կրակին, հասցրեք եռման աստիճանի, 20 րոպե եփեք: Սունկը քամեք, ապա կտրատեք: Արգանակը հովացրեք:
- Սոխն ու գազարը բարակ տաշեղների ձևով կտրատեք, տապակեք յուղի մեջ:
- Սնկի արգանակը հասցրեք եռման աստիճանի, ավելացրեք սունկը, տապակած գազարն ու սոխը, լցրեք վարսակի փաթիլները, աղ արեք ու 15 րոպե եփեք:
- Մատուցելիս վրան ցանեք մաղադանոսի կտրտած տերևները: