Հինգշաբթի 05.08.2021 12:45

05.07.2021   20:00
571

Ինչո՞ւ ռուսները մեզ չեն պահում


«Քաղաքացիական պայմանագիր» կուսակցության պատգամավորության թեկնածու Ռուբեն Ռուբինյանը` մեկնաբանելով ՀԱՊԿ քարտուղար Ստանիսլավ Զասի հայտարարությունը, ասել է.

«Տվյալ հայտարարությունը, բնականաբար, տարօրինակ է մեզ համար մի քանի պատճառով. նախ, պարոն Զասը նշում է, որ, փառք Աստծո, զոհեր չկան, ցավոք, զոհ կա, այս ընթացքում հայ զինծառայող է սպանվել ադրբեջանցի զինվորի կողմից, գերեվարվածներ են եղել: Երկրորդը՝ Հայաստանը դիմել է ՀԱՊԿ-ին ՀԱՊԿ պայմանագրի երկրորդ հոդվածի, ինչպես նաև ճգնաժամային իրավիճակների արձագանքման ՀԱՊԿ կանոնակարգի հիման վրա: Ի՞նչ են դրանք նախատեսում, օրինակ, ՀԱՊԿ պայմանագրի երկրորդ հոդվածը, որի հիման վրա Հայաստանը դիմել է, այդ կետը նախատեսում է հետևյալ դեպքերը, երբ, օրինակ, ՀԱՊԿ անդամին կամ ՀԱՊԿ անդամներից մի քանիսի ինքնիշխանությանը, տարածքային ամբողջականությանը, անվտանգությանը կամ միջազգային խաղաղությանը և անվտանգությանը սպառնալիք կա»:

ՀԱՊԿ քարտուղարի հայտարարությունն իսկապես բավական մեծ աղմուկ է հանել Հայաստանում: Մենք նկատեցինք, որ դրանից հետո հակառուսական տրամադրությունների ալիք է բարձրացրել: Քաղաքական, հասարակական հայտնի շատ դեմքեր նույնիսկ կոչ են անում քննարկել ՀԱՊԿ-ից դուրս գալու հարցը: Կարծիքներ տեսանք, որ Ռուսաստանը հերթական անգամ դավաճանում է Հայաստանին, կամ՝ որ սրանով երևաց Ռուսաստանի թուլությունը, որն ի վիճակի չէ օգնել Հայաստանին, սաստել Ադրբեջանին:

Հիմնականում նմանատիպ տեսակետներն են գերիշխում: 

Բայց մենք փորձենք չտրվել հանրային տրամադրություններին ու մի քանի հարց առաջ քաշենք: Իսկ ի՞նչ են արել Հայաստանի իշխանությունները մինչև ՀԱՊԿ-ին դիմելը: Ի՞նչ քայլեր են ձեռնարկել: Ադրբեջանը ներխուժել է Հայաստանի տարածք: Հասկացանք: Ո՞րն է եղել դրա պատասխանը: Արդյոք համարժե՞ք է եղել պատասխանը: Մեր բանակը փորձե՞լ է ադրբեջանցիներին դուրս մղել մեր տարածքներից: 

Ոնց որ թե ոչ մի նման բան չի եղել: Այս ընթացքում զոհ ե՞նք ունեցել: Բայց նման դեպքեր եղել են հայ-ադրբեջանական հակամարտության ողջ ընթացքում: Նկատի ունենք սահմանային միջադեպերը: Գերինե՞ր. այդպիսի միջադեպեր էլ են եղել: Բայց երբ նման միջադեպեր են եղել, հայկական կողմն էլ է համարժեք գործողություններ իրականացրել: Բայց հիմա ոչ մի բան չեն արել: Ոչ Սյունիքում, ոչ Գեղարքունիքի մարզում:
Եվ ոչ մի քայլ չանելով՝ Ռուսաստանին պահանջներ են ներկայացնում: Կոպիտ ասած, ռուսներին ասում են. գիտեք ինչ, եկեք մեր փոխարեն մեր սահմանները պաշտպանեք: Ռուսներն էլ ասում են. եթե դուք չեք պաշտպանում, մենք ինչի՞ պետք է պաշտպանենք: 

Հաջորդը. Նիկոլ Փաշինյանը առաջարկեց, որ միջազգային դիտորդական խումբ ձևավորվի, որը կգա այստեղ և կզբաղվի հայ-ադրբեջանական սահմանի դեմարկացիայով, սահմանների ճշտումով և այլն: Ռուսներն ասում են՝ խնդիր չկա, թող գան, զբաղվեն, բայց դա նշանակում է, որ խնդիրն ընդամենը սահմանների ճշտման, սահմանազատման մասին է, այդ դեպքում ինչի՞ ենք մեզ ասում, թե սա ագրեսիա է: 

Հաջորդը՝ Նիկոլ Փաշինյանը հայտարարեց, թե անիմաստ է լեռներում պոստեր դնել, տարին տասներկու ամիս ցուրտ է, ահագին անիմաստ ռեսուրսներ է խլում: Ռուսներն ասում են՝ ախպեր ջան, եթե սահմանները չես ցանկանում հսկել, ինչի՞ ես մեզ ասում՝ արի, հսկի: Սար ու ձորս ո՞րն է: Սահմանը սահման է: Եթե դու այդպես ես վերաբերվում քո սահմաններին, մենք ինչի՞ պետք է այլ կերպ վերաբերվենք:

Եվ վերջապես, ամենակարևոր խնդիրներից մեկը. մի կողմից ռուսներին անընդհատ պահանջներ են ներկայացվում, թե եկեք, մեր սահմանները պահեք, մեզ աջակցեք, մյուս կողմից՝ ամեն օր այդ նույն Ռուսաստանի դեմ հակաքարոզչություն է իրականացվում: Բոլոր հարթակներից: Մենք այս թեմային բազմիցս ենք անդրադարձել: Որ անընդհատ քարոզվում է, թե Ռուսաստանը դավաճանեց Հայաստանին արցախյան պատերազմում, որ սա ռուս-թուրքական ագրեսիա էր, որ Ռուսաստանը վստահելի գործընկեր չէ, էս վերջերս էլ շատ են գրում, թե արցախյան պատերազմում պարտվեցինք ռուսական անորակ զենքի պատճառով:

Ստանիսլավ Զասի հայտարարությունը նաև սրա պատասխանն է: Հա, իմիջիայլոց, հիմա դա էլ են տարածում, թե պատահական չէ, որ Զասը Բաքվում է սովորել, զինվորական կրթություն ստացել և այլն: Մոռանալով, որ Բաքվում մեր որոշ նախկին ղեկավարներ էլ են սովորել: Բանը հասել է նրան, որ Զասի ազգանունն էլ են սկսել ծաղրել, անուն կպցնել: 

Ահա այսպես. մի կողմից ասում են՝ Ռուսաստանին չի կարելի վստահել, մյուս կողմից՝ եկեք մեզ պահեք: Բա տուն-տունիկ չի՞: 



 Պիտակներ

         Ռուբեն Ռուբինյան, Նիկոլ Փաշինյան, Ստանիսլավ Զաս

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
































37-ի երկրպագուն
37-ի երկրպագուն
07.01.2021 / 7097