Ռոբերտ Քոչարյանի ազատության հանձնախմբի համակարգող Աղվան Վարդանյանը հայտարարել է, որ Հայոց բանակի տարեդարձի առթիվ Երևանում չկա տոնական տրամադրություն. «Բանակի, զինվորականության, հրամանատարության, մեր խաղաղ կյանքն ապահովող նախագահների վերաբերմունքն է պակասում։ Արցախի ռազմաքաղաքական ղեկավարության հանդեպ վերաբերմունքը. ճնշումների և հալածանքների տակ են։ Դա անում է մի թիմ, որի առնվազն 50 տոկոսը բանակի հետ որևէ առնչություն չի ունեցել»։
«ՉԻ». Լավ կլիներ, իհարկե, որ բանակի և նրա հետ չառնչվողների մասին խոսեր մեկը, որն ինքն է ծառայել բանակում: Համենայնդեպս, Աղվան Վարդանյանի կենսագրությունում ոչ մի տող չգտանք, որ նա ծառայել է:
Բայց սա մի կողմ. ուշադրություն դարձրեք, որ նախկին դաշնակցականը Բանակի տոնի առթիվ հիշատակում է միայն Արցախի նախկին ղեկավարությանը, այսինքն՝ Ռոբերտ Քոչարյանին:
Թեպետ վերջինս բանակի հիմնադրման հետ որևէ կապ չունի: Եվ ոչ մի խոսք բանակի իրական հիմնադիրների մասին, առաջին հերթին՝ ՀՀ Առաջին նախագահ Լևոն Տեր-Պետրոսյանի: Իրենք իրենցով կենսագրություններ ու պատմություններ են հորինել, իրենց վերագրել բաներ, որոնց երբեք չեն առնչվել, ու համարում են, որ այդպես էլ կա, քիչ է մնում, մեզ էլ համոզեն, որ բանակ հիմնադրողներն իրենք են: