ԱԺ «Հայաստան» խմբակցության պատգամավոր Աղվան Վարդանյանը՝ անդրադառնալով Հայաստանի կողմից Թուրքիա փրկարարներ ուղարկելուն, ասել է. «Երկրաշարժ եղավ նաև Իրանում, ես չեմ հիշում, որ նրանք նույնիսկ ցավակցական ուղերձ հղեն: Ինչպե՞ս կարելի է Իրանին չցավակցել, իսկ Թուրքիային ցավակցել, ինչպե՞ս կարելի է Թուրքիայի մասին ասել ամենավերջին բաները, իսկ հետո սկսել սիլի-բիլի անել»:
«ՉԻ». Մենք չենք հիշում, թե երբ է Իրանում այնպիսի երկրաշարժ եղել, որի հետևանքով բազմաթիվ զոհեր լինեին:
Բայց, օրինակ, 2019թ. մարտին, երբ Իրանում ջրհեղեղ էր եղել, զոհվել էին տասնյակ քաղաքացիներ, Փաշինյանը ցավակցական հեռագիր էր հղել Իրանի նախագահ Հասան Ռոհանիին և նույնիսկ պատրաստակամություն հայտնել անհրաժեշտ աջակցություն ցուցաբերել: Ոչ ոք չի ասել, որ սիլի-բիլի է անում, կամ եսիմինչ:
Հետո նայեցինք, էլի մի քանի ցավակցական հեռագրեր է հղել Իրանի նախագահին տարբեր ողբերգական իրադարձությունների առթիվ:
Սա ոչ թե Փաշինյանի փաստաբանի դերն ենք խաղում, այլ ցույց ենք տալիս, որ էս մարդիկ Մարինա Խաչատրյանից ոչ մի բանով չեն տարբերվում: Տիտղոսային ընդդիմությունն է: Ավելի կարևոր հարցեր կան, լուրջ հիմնախնդիրներ, մարտահրավերներ. էս ամեն ինչը թողած՝ պինդ նստել են Թուրքիա ուղարկված փրկարարների թեմայի վրա: