Չորեքշաբթի 03.06.2020 08:15

Լուր-մեկնաբանություն
02.06.2020 / 22:00
Քաղաքական
02.06.2020 / 21:00
Քաղաքական
02.06.2020 / 20:00
Քաղաքական
02.06.2020 / 19:00
Տնտեսական
02.06.2020 / 18:00
Քաղաքական
02.06.2020 / 17:00
20.09.2019   09:35
1557

Կառավարության ուսերին է ամբողջ պատասխանատվությունը


Ամուլսարի պաշտպանները սեպտեմբերի 20-ը հռչակել են բնապահպանական մոբիլիզացիայի եւ արդարության օր: Օրակարգը հագեցած է լինելու:  Բազմաթիվ միջոցառումներով  բնակչությանը կիրազեկեն  Հայաստանում բնապահպանական  խնդիրների,  հանքարդյունաբերության բացասական հետեւանքների մասին:  Խնդիրների մասին  հասարակությանը կիրազեկեն տարբեր ձեւաչափերով՝ ֆլեշ մոբերով,  խորհրդանշական ակցիաներով: Ամուլսարի պաշտպանությանը կմիանան նաեւ ավտոերթով, հեծանիվներով եւ մոտոցիկլներով:  Կլինի նաեւ «Ամուլսարի պաշտպանությունը՝ ամեն տնից» ակցիա.  #SaveAmulsar գրություններով դրոշներ եւ պաստառներ կկախվեն ամեն տան պատուհաններից:

Տարաբնույթ միջոցներով կխոսեն նաեւ Կլիմայական ճգնաժամի, բնապահպանական աղետների մասին, բայց ուշադրության կենտրոնում լինելու է Ամուլսարն ու նրա շուրջ ստեղծված վիճակը:

Հենց այդ օրը Ջերմուկի բնակիչները եւ բնապահպանները նշանակել են երկրի կառավարության համար այն վերջնաժամկետը, երբ որոշում պետք է կայացվի Ամուլսարի մասին։

«Հայկական բնապահպանական ճակատ քաղաքացիական նախաձեռնության» անդամ Աննա Շահնազարյանը  «ՉԻ»-ի հետ զրույցում տեղեկացրեց, որ  պահանջելու են  դադարեցնել Ամուլսարի  հանքային ծրագիրը, ինչի համար գիտական ու իրավական հիմքեր կան: Բնապահպան ակտիվիստը կրկին պնդեց, որ հանքի ծրագիրն անօրինական է եւ աղետաբեր:

«Եթե «Էլարդի» հիմնական եզրակացությունն  այն է, որ «Լիդիանը» թերագնահատել է բացասական ազդեցությունը, ապա դրա տողատակում երեւում է, որ բացասական ազդեցությունն ահռելի է: Նույն «Էլարդի»  ցեկույցի մեջ դրանք  մանր տառերով գրված են: Ընդհանուր եզրակացությունը շատ ավելի մեղմ է, քան այն, ինչ որ գրել են զեկույցի էջում: Այսքանից հետո կառավարության ուսերին է ամբողջ պատասխանատվությունը  սուտ տեղեկությունների տարածման համար»,- շեշտեց նա:

Բնապահպանը սուտ է որակում  կառավարության այն հիմնավորումը,  թե Ամուլսարը փակելու հարցում  իրավական  հիմքեր չկան: Նա մեկ այլ հայտարարությունն էլ է մանիպուլյացիոն համարում:

«Սուտ է  նաեւ այն, որ ասում են, թե հանքը պետք է շահագործվի, որովհետեւ ազգային անվտանգության եւ պատերազմի խնդիր ունենք: Անառարկելի փաստ է, որ հանքը լուրջ բնապահպանական խնդիրներ է ստեղծելու: Ես որպես քաղաքացի իմ կյանքի, գոյատեւման, իրավունքի հարցն եմ  լուծում եւ այդ հարցը ոչ բռնի եղանակով եմ լուծում՝ Սահմանադրությամբ ինձ տրված բոլոր լիազորություններով: Ես եմ որոշում, թե կառավարությունն ինչ պետք է անի: Եթե կառավարությունն ուրիշ բան է անում, դա իր պատասխանատվությունն է»,- նշեց Աննա Շահնազարյանը:

Ըստ նրա՝ Ամուլսարի հարցն այսօր Ջերմուկի տարածքից դուրս է եկել: Անկախ վարչապետի Ամուլսարը ապաշրջափակելու կոչի՝ բնապահպանը պնդում է, որ պայքարելու են մինչեւ վերջ:

Հավելենք, որ Հայկական բնապահպանական ճակատը բնապահպանական մոբիլիզացիայի օրվա մեկնարկը տալու է Մաշտոցի պուրակից, ժամը 13։00-ին: Արդեն 18։30-ին Երեւանում միջոցառումներ անցկացնող բոլոր խմբերը կմիանան  Օպերայի մոտ, որտեղից կսկսվի երթը։

Հանքարդյունաբերության դեմ բողոքի գործողություններ կլինեն նաեւ հանրապետության ազդակիր համայնքներում: Ալավերդիում, Կապանում եւ այլ վայրերում, որոնք հանքարդյունաբերության հետեւանքներն իրենց մաշկի վրա զգում են,  բողոքի նոտա կհղեն:



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         բնապահպանություն, Ամուլսար


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված