04.08.2021   21:00
656

Լավ էլ համախմբված եք ու կառուցողական


Կառուցողական-ի հոմանիշը շինիչն է, որի հիմքում շինել բայի արմատն է: Այն բնավ հայհոյանք չէ, մանավանդ ՍԴ հայտնի որոշումից հետո: Սա՝ ի գիտություն:

Իսկ հիմա լուրջ: Երկիրը վառոդի տակառի վրա է, ամեն օր հաղորդագրություններ ենք ստանում սահմանային միջադեպերի մասին, Արցախի հանձնված տարածքներից մեր երեխաների աճյուններն են գտնում, իսկ ԱԺ-ն՝ պետության գլխավոր քաղաքական մարմինը, զբաղված է հաշիվ մաքրելով, թե որ կուսակցության ջոկատը որ պատերազմի ժամանակ որտեղ էր: Ցավոք, այս մեղմ ասած տկարամիտ խոսույթին է մասնակցում նաև Սեյրան Օհանյանը: Ցավոք, որովհետև հայոց բանակի ստեղծման ակունքներում կանգնած մարդը, ՀՀ պաշտպանության նախկին նախարարը մի քիչ այլ պատկերացումներ պետք է ունենար և թելադրեր մյուս պատգամավորներին:

Մեր ազգային մտածողության իշխող և կործանարար միֆերից մեկը ֆիդայականությունն է: Կամավոր ճակատ մեկնածների նկատմամբ մեծագույն հարգանք ունենալով՝ հիշեցնենք, որ 90-ականների սկզբին իշխանությունը ջանք ու եռանդ չխնայեց կամավորական ջոկատներից կանոնավոր բանակ, այսինքն՝ պետության հիմնասյուն կերտելու համար: Դա ծանր գործընթաց էր, որոշ դեպքերում ուժային մեթոդներն ազդում էին իշխանության վարկանիշի վրա, սակայն անհրաժեշտ պայման էր անկախացման և հաղթանակի համար: Հիմա ի՞նչ ենք անում: Կանոնավոր բանակի խնդիրները մի կողմ թողած՝ կուսակցական ջոկատնե՞րն ենք հաշվում և քննարկում: Մի՞թե պարզ չէ, որ այս խոսույթը կործանարար է: Մի՞թե պարզ չէ, որ այս հոգեբանությամբ հակառակ գործընթացն ենք ապահովում, այսինքն՝ կանոնավոր բանակը փորձում ենք փոխարինել ֆիդայական ջոկատներով, ինչը նշանակում է պետականության վերջնական կազմաքանդում:

Այս անմեղսունակ հոգեբանության արդյունքն էր Նիկոլ Փաշինյանի ամոթալի ելույթը պատերազմի օրերին, որում նա կոչ էր անում երիտասարդներին վերցնել տանը մնացած բուշլատները և կամավորագրվել: Պետությունը նվաստացնելու ավելի շինիչ ձև դժվար է հորինել:

Այս պետականաքանդ հոգեբանությունն է պատճառը, որ մինչև հիմա չեք հասկացել պատերազմի հետևանքների մասշտաբը:

Այսպես տնավարի ու կառուցողական քննարկելու եք 2020-ի հրեշավոր 44 օրը ու չեք հասկանալու, որ նախ պարտվել են մեր դիվանագիտությունը, հակապետական միֆերը, հետո նոր՝ բանակը: 

21-րդ դարի տեխնոլոգիական պատերազմում կամավորներով չեն կռվում…

Եվ վերջապես, 98-ից սկսած՝ ռոբերտենք, սերժենք և նիկոլենք ամեն ինչ արեցին պետականության կերտման, Հայաստանի անկախացման և Արցախի հարատևման հիմքերը քանդելու համար: Եվ հիմա էլ միասնաբար շարունակում են նույնը:

Զարուհի Գաբրիելյան



 Պիտակներ

         Սեյրան Օհանյան, Զարուհի Գաբրիելյան, Նիկոլ Փաշինյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները


















Էս չե՞ք դուք
Էս չե՞ք դուք
06.09.2021 / 1284