Պարզվում է, որ տեղեկատվական տեխնոլոգիաների ոլորտի բազմաթիվ ընկերություններ պետբյուջեից 10 մլրդ դրամի դրամաշնորհ են ստացել, հետո լուծարվել, հայտնում է «Հետքը»:
«ՉԻ». Մենք էլ գիտեինք, թե մենակ անեկդոտում է այդպես, որ ասում է՝ փողը տվել, բայց տաքսի չենք նստել:
Բայց չէ, փաստորեն այս իշխանությունները անեկդոտները հատ-հատ կյանքի են կոչում:
Ընդ որում այս ընկերություններից մեկի՝ «Օպտիմ Արմենիա» ՍՊԸ-ի պատմությունն ընդհանրապես տարվա լավագույն անեկդոտի հավակնորդն է:
Ուրեմն այս տարվա հունիսի 28-ին այս ընկերության և ԲՏԱ նախարարության միջև պայմանագիր է կնքվել, ընկերությունը ստացել է 46 մլն դրամ ու նույն օրն էլ լուծարման գործընթաց սկսել: Ասեք, որ վերջն է:
Պետք է թարգել էս լրագրություն, քաղաքականություն, թիթիզ-միթիզ Ռուսաստան-Արևմուտք խաղերը, լրջորեն զբաղվել ՏՏ ոլորտով: Երևի հենց վաղն էլ մի հատ թույն ՏՏ ընկերություն բացենք, փող կպցնենք: Քանի էս իշխանությունը չի լուծարվել:
Էն Սնուփ Դոգին բան չասեք. որ իմանա էս պատմությունը, կատաղությունից եղունգները կկրծի, որ չեղած համերգի համար ընդամենը 1,5 մլն դոլար է ստացել: