ԱԺ նախագահ Ալեն Սիմոնյանը Տելեգրամի իր ալիքում գրել է. «Նկատե՞լ եք, որ ընդդիմության նոր շարժումը ամեն կերպ սկսել է խուսափել Արցախի մասին խոսելուց, Արցախի դրոշները վերացել են հավաքներից»:
ՉԻ.- Բաա՜... տեսնում ե՞ք, ինչքան ուշադիր է հետևում ընդդիմության ցույցերին: Այնքան, որ ելույթներում Արցախ բառն է հաշվում, Արցախի դրոշներն է փնտրում: Ստատուս գրելու թեմա էր պետք:
Իրականում խորհրդարանի խոսնակը ծանր է տանում, որ ընդդիմությունը իրենց դաշտ է մտել և իրենց պես զգուշավոր է Արցախի թեմայի հանդեպ, փոխանակ ոչմիթիզական դիրքերից հանդես գա: Այսինքն, ընդդիմությունը պահում է իրեն այնպես, ինչպես հենց իրենք:
Իրենց հացին վայիս է լինում:
Բայց մեծ հաշվով, ինչքան էլ ծանր տանեք, Արցախը դուք եք հանձնել, թեման փակել, հիմա եկել, ընդդիմությանն եք մեղադրում, թե Արցախ բառը չեն օգտագործում: