«Մենք ընտրություններին չենք մասնակցել իշխանության գալու համար». Հայկ Մամիջանյան:
«ՉԻ». Փաստորեն, ըստ Սերժ Սարգսյանի սանիկի տրամաբանության, իրենք նման են այն օլիմպիականներին, որոնք Օլիմպիադային մասնակցում են ոչ թե հաղթելու, այլ պարզապես ներկա գտնվելու համար:
Երիտասարդ գործչի խոսքի ենթատեքստերը բացելու դեպքում բավական հետաքրքիր եզրահանգումների կարելի է գալ:
Գործող իշխանությունները տապալվել են գրեթե ամեն ինչում, որոշ ուժեր պնդում են, որ տապալվել ասելը մեղմ է, տեղի է ունեցել դավաճանություն, բայց հիմնական ընդդիմադիր ուժերից մեկը ընտրարշավին մասնակցել է ոչ թե հաղթելու նկրտումներ ունենալով, այլ պարզապես մասնակցել է:
Ինչ հետևություն կարելի է անել այս խոստովանությունից:
Անկախ գործող իշխանության տապալման մակարդակից, իրենք ավելի վատն են, հասարակությունը, միևնույն է, իրենց չի ընտրի, քանի որ ավելի քիչ հեղինակություն ունեն, քան տապալվածները: Ընդունեք, որ սա կարևոր ցուցիչ է:
Մի կողմից՝ դրական է, որ երիտասարդ գործիչը օբյեկտիվորեն է գնահատում իրենց ուժերը, մյուս կողմից էլ՝ մասնակցելով հիմնական քաղաքական գործընթացներին, նրանք գործող իշխանությունների համար այնպիսի մրցակիցներ են ապահովում, որոնց հաղթելը տեխնիկայի գործ է:
Փաստորեն օգնել եք: Ընդունեք, որ սա յուրահատուկ դավաճանություն է ազգային և պետական շահերին: