Այսօր խորհրդարանում «Պատիվ ունեմ» խմբակցության ղեկավար Հայկ Մամիջանյանը ելույթի ժամանակ ասել է. «Ես շատ ներողություն եմ խնդրում Արցախի այն քաղաքացիներից, որոնք ընդհատվող ինտերնետով ու բլոկադայի պայմաններում ստիպված են նայել էս «նապաստակ նկարոցին»։
Ի պատասխան ԱԺ նախագահ Ալեն Սիմոնյանն ասել է. «Ես չեմ հասկանում՝ ինչ գործ ունի «նապաստակ փարթիին» ձեր նման լուրջ քաղաքական գործիչը»:
«ՉԻ». Նապաստակը վախկոտ կենդանի է: Համենայնդեպս, մեզ այդպես են սովորեցրել, որ ով հասնում, նրան նեղացնում է: Երբեմն նաև բռնում, ուտում են:
Ալեն Սիմոնյանը երևի դա նկատի ունի՝ խորհրդարանը որակելով նապաստակների հավաքույթ:
Մեր մեջ ասած, այդպես էլ կա: Էս իշխանությանը ով հասնում, նեղացնում է, հիմա էլ սպառնում են բռնել... ուտելը չեն ուտի, իհարկե, բայց դե մի հաշիվ է: