Երկուշաբթի 08.03.2021 00:27

01.02.2021   20:00
1088

Պատմություն Նիկոլի, Շուշիի և այլ դժգույն բաների մասին


Նախօրեին Նիկոլ Փաշինյանն իր ֆեյսբուքյան լայվում անդրադարձավ Շուշիի, այնտեղ ադրբեջանցի փախստականների վերադարձի և 1992թ-ի ժողովրդագրական ստատուս քվոն վերականգնելու մասին թեմային:

Վարչապետի պարզաբանումները իրարամերժ արձագանքներ ունեցան: Պատճառը թերևս այն է, որ նրա խոսքը ճիշտ չեն հասկացել: Մենք փորձենք պարզ, ավելի մարդկային լեզվով բացատրել, թե ինչ է նա նկատի ունեցել: 

Բանը եղել է այսպես: Շուշին 17-րդ դարում հայկական է եղել, 18-րդ դարում՝ թյուրքական, 19-րդ դարում՝ ցարական, 20-րդ դարի սկզբում՝ թաթարական, սովետի ժամանակ՝ ադրբեջանական, 20-րդ դարի վերջերից՝ հայկական: Բայց 1994 թվականին Լևոն Տեր-Պետրոսյանը զինադադար կնքեց Ադրբեջանի հետ՝ նրան չենթարկելով կապիտուլյացիայի, իսկ 1996 թվականին Լիսաբոնի գագաթնաժողովում մենք ձախողվեցինք, ու Շուշիի ժողովրդագրական վիճակագրությունը սկսեց փոխվել, քաղաքն էլ մանրից դժգույն տեսք ստացավ:

Դրանից Ռոբերտ Քոչարյանը խիստ ազդվեց: Ամեն օր Ստեփանակերտի իր տան պատշգամբից տեսնելով Շուշիի դժբախտ տեսքը, էլ չդիմացավ, ու մի օր ընտանիքով տեղափոխվեց Երևան: Այստեղ նրան ոչ ոք չէր ճանաչում, դրա համար հայ ժողովրդին ծանոթանալու համար միանգամից Հայաստանի ղեկավար դարձավ, հետո տեսավ, որ այստեղ լավ է, ամեն օր տաք ջուր կա, մի 10 տարի Բաղրամյան պողոտայում վարձած տնից զբաղվում էր Ղարաբաղի հարցով: Առաջին 5 տարում Արցախի հակամարտության կարգավորման գործընթացում շահեկան գործարքներ իրականացրեց. ծախեց կոնյակի գործարանը, ատոմակայանը, ԱրմենՏելը, «Հայգազը», վերացրեց «Հայկական ավիաուղիները»: Հաջորդ 5 տարում հմուտ դիվանագիտական մանևրների միջոցով «Տարածքներ՝ կարգավիճակի դիմաց» բանաձևը փոխեց «Գույք՝ պարտքի դիմաց» բանաձևի: Բայց Շուշին չկարողացավ մտցնել «Գույք՝ պարտքի դիմաց» գործարքի մեջ, դա թողեց Սերժ Սարգսյանին:

Սերժ Սարգսյանն էլ որոշեց 80-ականների ինքնաթիռով կապ հաստատել Արցախի հետ ու դառնալ առաջին ուղևորը, բայց քանի որ ինքը թմրանյութերից կախվածություն ուներ, Լավրովը նրան պլան առաջարկեց: Ինքը սկզբից ձևի համար մի քիչ չեմուչում արեց, բայց դե, ուրիշ պլան չկար, համաձայնվեց: Ու առաջացավ նոր բանաձև. «Լավրովի պլան՝ խաղաղության դիմաց»: 

Սերժ Սարգսյանը որոշեց այդ պլանը քաշելու համար սահմանադրություն փոխել ու իրեն ցմահ ղեկավար նշանակել, բայց Նիկոլ Փաշինյանը ծածուկ քայլելով, եկավ ու ասաց. «Դու մենակ չես, մենակ չես»: Սերժ Սարգսյանն էլ վերցրեց ու այդ պլանը գցեց Փաշինյանի ջեբը՝ դրանով վերջապես ազատվելով պլանի ազդեցությունից: Հետո գնաց իր տուն:

Նիկոլ Փաշինյանն էլ երկրի ղեկավար դարձավ: Բայց քանի որ կյանքում պլան չէր տեսել, որոշեց Ղարաբաղի հարցում զրոյից սկսել ու երկու տարում հասցրեց աննախադեպ փաստերի թիվը հասցնել հարյուրի: 

Այդ ընթացքում Մոսկվայի «1000 ու մի մանրուք» առևտրի կենտրոնից երկու հատ ՍՈւ կործանիչ գնեց: Այդ կործանիչները մի լավ հատկություն ունեին. բավական բարձր էին թռչում: Ու երբ Փաշինյանն այդ ինքնաթիռով երկինք բարձրացավ, այնտեղից տեսավ Շուշին՝ իր բոլոր 50 դժգույն երանգներով, ու հասկացավ, որ եթե պատերազմ չսկսվի, կպարտվենք, իսկ եթե սկսվի, էլի կպարտվենք, բայց գոնե այդ Շուշիից կպրծնենք: 

Ու այդպես էլ արեց. պատերազմը սկսվեց, ռուսները օրումեջ առաջարկում էին ընդունել իրենց ծրագիրը, բայց Փաշինյանը համառեց, մինչև Շուշիի հարցը չլուծվի: Բայց... որպեսզի մարդիկ հանկարծ սխալ չհասկանան, որ ամբողջ խնդիրը Շուշիի մեջ է, դրա համար համաշխարհային հանրության ուշադրությունը շեղող քայլ արեց ու Հադրութի հարցն էլ լուծեց: Բայց Լավրովի պլանի դոզան այնքան ուժեղ էր, որ դրա ազդեցությամբ Լաչինի ու Քելբաջարի շրջաններն էլ հանկարծ դժգույն տեսքերով աչքին երևացին: Այսինքն, մի հարվածով մի դյուժին նապաստակ խփեց: Ամեն ինչ պարզ էր և հանճարեղ:

Ահա թե ինչ էր ուզում ասել Փաշինյանը: Այստեղ ի՞նչ կար չհասկանալու:



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Լևոն Տեր-Պետրոսյան, Նիկոլ Փաշինյան, Սերժ Սարգսյան, Ռոբերտ Քոչարյան


››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված












Ստոպ-կադր
Ստոպ-կադր
01.03.2021 / 600













Գործակալ 00
Գործակալ 00
05.03.2021 / 449

















Բա սա կյա՞նք է
Բա սա կյա՞նք է
03.03.2021 / 326