Այս աղանդերին յուրահատուկ համ ու հոտ է հաղորդում լիկյորը: Կարող եք կրեմի մի քանի տարբերակ ստանալ՝ տարբեր լիկյորներ օգտագործելով (նարնջի, բալի, կիտրոնի կամ անանուխի և այլն):
Բաղադրիչները
4 բաժնի համար
- 3 հատ դեղձ
- 50 գ շաքարի փոշի
- 3 ճ.գ. լիկյոր
- 2 բաժակ խիտ սերուցք
- 1 հատ կիվի
Պատրաստման եղանակը
- Դեղձի պտղամիսը մանր կտրատեք, խառնեք լիկյորի ու շաքարի փոշու հետ, միքսերով հարեք մինչև պյուրեի վերածվելը:
- Սերուցքը հարեք մինչև խիտ փրփուր ստանաք, ավելացրեք այն դեղձի պյուրեին:
- Կրեմը լցրեք մատուցելու համար նախատեսված պնակների մեջ:
Մատուցելիս կրեմը զարդարեք կիվիի կտորներով և անանուխի տերևներով: