Այս աղանդերի համար նախատեսված վանիլային շաքարավազը շատ հեշտ է պատրաստել նաև տնային պայմաններում: Դրա համար ապակե տարայի մեջ շաքարավազ լցրեք, մի փոքր վանիլին ավելացրեք, խառնեք, շատ ամուր փակեք և 7-10 օր թողեք:
Բաղադրիչները
4 բաժնի համար
- 500 գ ելակ
- 12 հատ միջուկով վաֆլե ձողիկներ
- 2 հատ ձու
- 3 ճ.գ. շաքարավազ
- 4 ճ. գ. սպիտակ գինի
- 1/3 թ.գ. վանիլային շաքարավազ
- անանուխի 4 տերև
Պատրաստման եղանակը
- Ելակը մաքրեք, լվացեք ու չորացրեք: Հատապտուղների մի մասը թողեք զարդարելու համար, մնացած ելակները դանակով կիսեք:
- Վանիլային սոուսի համար ձվերը հարեք՝ երեք անգամ մաս-մաս ավելացնելով շաքարավազը: Հարելու վերջում լցրեք գինին ու վանիլային շաքարավազը: Շարունակեք հարել մինչև սոուսի խտանալը:
- Լայն բաժակների մեջ 3-ական վաֆլե ձողիկներ դրեք, ավելացրեք կիսած ելակները: Վրան լցրեք սոուսը:
- Աղանդերը զարդարեք առանձնացրած հատապտուղներով ու անանուխի տերևներով: