Այս աղանդերի համար կիտրոնի կեղևը լավ է ոչ թե քերիչով անցկացնեք, այլ դանակով կտրատեք: Լիկյորի ընտրության հարցում էլ նախապատվությունը տվեք կիտրոնի լիկյորին, որպեսզի այն չկոտրի շամպայնի համը:
Բաղադրիչները
6 բաժնի համար
- 3 բաժակ շամպայն
- 2 ճ.գ. ժելատին
- 2/3 բաժակ շաքարավազ
- 8 ճ.գ. լիկյոր
- 1 կիտրոնի կեղև
Պատրաստման եղանակը
- Ժելատինը բացեք վեցապատիկ եռացրած-սառեցրած ջրով, թողեք փքվի, ջուրը թափեք:
- Շաքարավազի վրա երկու բաժակ ջուր լցրեք, ավելացրեք կիտրոնի կեղևն ու տաքացրեք մինչև շաքարավազը լուծվի: Կիտրոնի կեղևը հեռացրեք:
- Շաքարաջուրը հովացրեք, ավելացրեք պատրաստի ժելատինը, տաքացրեք՝ չհասցնելով եռման: Ավելացրեք շամպայնն ու լիկյորը: Ժելեն լցրեք մեծ բաժակների մեջ, սառեցրեք մինչև խտանալը:
- Մատուցելիս զարդարեք կիտրոնի կտորներով: