Քաղցր ու համեղ. Սերուցքային մուս՝ հատապտուղներով

Պատրաստեք մոշով ու մորիով (կամ ելակով) այս համեղ աղանդերը:

Բաղադրիչները
2 բաժնի համար

• 1 բաժակ հատապտուղ (մոշ, մորի կամ ելակ)
• 1 բաժակ խիտ սերուցք
• 1 ճ.գ. ժելատին
• 3 ճ.գ. շաքարի փոշի
• 1 ճ.գ. ռոմ

Պատրաստման եղանակը

1. Ժելատինը բացեք վեցապատիկ եռացրած-սառեցրած ջրով, թողեք մինչև փքվելը: Ջուրը թափեք: Ժելատինը լուծեք գոլորշու վրա:
2. Սերուցքը հարեք շաքարի փոշու հետ, հարելու վերջում ավելացրեք ռոմը, ապա լուծված ժելատինն ու խառնեք:
3. Բաժակների մեջ մի շերտ հատապտուղ շարեք, ապա լցրեք ժելատինով սերուցքի մի մասը: Հետո կրկին մի շերտ հատապտուղ շարեք ու լցրեք ժելատինով սերուցքի մյուս մասը: Մի քանի հատապտուղ թողեք ձևավորելու համար:
4. Մուսը 3 ժամով տեղադրեք սառնարանում:
5. Մատուցելիս զարդարեք հատապտուղներով ու լայմի կտորներով: