Առաջարկում ենք պատրաստել տապակած բանանով ու վանիլային պաղպաղակով այս համեղ աղանդերը:
Բաղադրիչները
4 բաժնի համար
- 2 հատ բանան
- 3 ճ.գ. կարագ
- 3 ճ.գ. շագանակագույն շաքարավազ
- 2 ճ.գ. բրնձի օղի կամ ռոմ
- 300 գ վանիլային պաղպաղակ
- 50 գ մուգ շոկոլադ
- 1/2 թ.գ. աղացած դարչին
Պատրաստման եղանակը
- Բանանները մաքրեք, կիսեք: Կիսած բանանները կրկին կիսեք:
- Թավայի մեջ տաքացրեք կարագը, ավելացրեք շաքարավազը ու խառնելով՝ հասցրեք եռման աստիճանի:
- Բանանների վրա դարչին ցանեք, տեղադրեք եռացող կարագի ու շաքարավազի մեջ, տապակեք մինչև ոսկեգույն երանգ ստանալը: Հետո բանանների վրա օղին կամ ռոմը լցրեք ու թույլ կրակի վրա, կափարիչի տակ 5 րոպե էլ տապակեք:
- Շոկոլադը գոլորշու վրա հալեցրեք:
- Տաք բանանները ստացված կարամելի հետ անմիջապես լցրեք ափսեների մեջ: Մատուցեք վանիլային պաղպաղակի հետ, որի վրա էլ լցրեք հալեցրած շոկոլադը: