ԱԱԾ պետին ազատեցին պաշտոնից և ժամանակավոր պաշտոնակատար նշանակեցին Միքայել Համբարձումյանին:
Պատերազմական վիճակում նման առանցքային պաշտոն զբաղեցնողին աշխատանքից հեռացնելը չափազանց լուրջ որոշում է: Հատկապես այն պայմաններում, երբ որոշումից մեկ ժամ առաջ վարչապետը գրառում է անում և նշում, որ կան դավաճաններ, որոնք այցելել են դիրքեր և համոզել զինվորներին լքել դիրքերը:
Այս պաշտոնանկությունը կարող է ավելի մեծ խառնաշփոթ առաջացնել, եթե հասարակությանը հստակ չտեղեկացվի, թե ինչու Քյարամյանը ազատվեց պաշտոնից:
Վրիպմա՞ն, վրիպումների՞, թե՞ պարզապես հանցավոր գործունեության կամ անգործության արդյունքում:
Հստակ պարզաբանումների բացակայությունը տեղիք է տալու մեծաթիվ սպեկուլյացիաների, որոնք ավելի մեծ վնաս կարող են հասցնել: