Վատիկանում ՀՀ նախկին դեսպան Միքայել Մինասյանը թելեգրամյան իր ալիքում գրել է. «Ընտրությունները կապիտուլյանտի կեղծ օրակարգն են, որոնք ասպարեզ են նետվում մի նպատակով՝ ուժային դիմակայությունը վերափոխել քաղաքական առևտրի: Խորհրդարանական ընդդիմության հանդեպ ամենայն հարգանք տածելով, նրանք, Նիկոլի թշվառների հետ միասին, չեն ներկայացնում ամբողջ ժողովրդին և չեն ներկայացնում ամբողջ քաղաքական սպեկտրը»:
«ՉԻ». Ուշադրություն դարձրեք Միքայել Մինասյանի այս արտահայտության վրա. ուժային դիմակայությունը վերափոխել քաղաքական առևտրի: Պարզ ասում է, որ չպետք է թողնել, որ այս իրավիճակը հանգուցալուծվի քաղաքական ճանապարհով, պետք է ուժային մեթոդներով հեղաշրջում անել:
Այսինքն՝ այն, որ հիմա Նիկոլ Փաշինյանը քաղաքական ինչ-որ կոնսուլտացիաներ է սկսել տարբեր ուժերի հետ, համարվում է քաղաքական առևտուր և կեղծ օրակարգ: Ո՞վ է նման բան տեսել, մենակ ջարդել, փշրելով է հարց լուծվում:
Հնարավոր է, որ կեղծ օրակարգ է, հնարավոր է՝ Նիկոլը տարբեր քաղաքական ուժերի հետ ինչ-որ բազարների մեջ է, բայց ով-ով, գոնե դուք քաղաքական առևտրի մասին պիտի չխոսեք: 20 տարի դուք բացառապես քաղաքական առևտրով եք զբաղվել: Մեր բաբոն չէր ասում. «Մենք մեր հաճախորդներին լավ գիտենք»: Մեր ապուպապը չէր հայտարարում, թե ինչ արժեին իր հաճախորդները. մի զրո ավել, մի զրո պակաս: Գեղամյան, Բաբուխանյան, դաշնակ, մաշնակ... սաղին բիրիքով էիք առնում: Հիմա ինչի՞ եք դժգոհում, որ այս իշխանություններն էլ են քաղաքական առևտրով զբաղվում: Եթե զբաղվում են, ապա ձեզանից են սովորել:
Իսկ ինչ վերաբերում է նրան, որ խորհրդարանական ուժերը չեն ներկայացնում ամբողջ ժողովրդին և չեն ներկայացնում ամբողջ քաղաքական սպեկտրը, ապա նրանք ավելի շատ են ներկայացնում ժողովրդին, քան ազգափրկիչ պարոն 1 տոկոսը և ռուսների հետ ինտեգրվել երազողը: