«Ես շատ ցավում եմ, որ պարոն Մարությանն այդպիսի կեցվածք ունեցավ ընտրություններից առաջ և որպես «Քաղաքացիական պայմանագրի» և «Իմ քայլի» կողմից կողմից առաջադրված քաղաքապետ` նախընտրական փուլում ակներև և հրապարակային աջակցություն չհայտնեց «Քաղաքացիական պայմանագրին»: Ցավում եմ դրա համար, որովհետև այն քվեն, որով պարոն Մարությանը դարձել էր Երևանի քաղաքապետ, մեծամասամբ այն ուժինն է, որը ներկայում արդեն երկրորդ անգամ ձևավորելու է կառավարություն»:
Հայտարարության հեղինակը Փաշինյանի գլխավոր խորհրդական Արայիկ Հարությունյանն է:
«ՉԻ». Այս իշխանության համար լրիվ օրինաչափ մոտեցում ու հայտարարություն է: Քարոզարշավի ժամանակ ասում էին, որ գալու են Սյունիքի քաղաքապետների ու համայնքապետների հետևից, բայց որոշել են ընկնել Մարությանի հետևից:
Ոչ մի նախկին կոռուպցիոների և հանցագործի չկարողացան դատել կամ պահել կալանքի տակ, բայց 1.5 տարի է, ինչ կալանքի տակ է թիմի անդամ, նախկին փոխնախարար Գևորգ Լոռեցյանը: Կարծես հեղափոխություն տեղի ունեցավ, որպեսզի ապագա փոխնախարարը դատվի:
Մարությանը կուսակցական չէ, չուներ քաղաքական պայքարի հետագիծ, բացի մի քանի ակցիաներին մասնակցելը, բայց Փաշինյանը որոշեց քինդեր անակնկալ մատուցել երևանցիներին:
Դե ինչ, մնում է ակնկալել, որ Մարությանը տեղի չի տա բոլոր ոլորտներում անհաջողություններ գրանցած ձախողակների ճնշումներին:
Շուտով պարզ կլինի, թե ով է աչքը տնկել քաղաքապետի պաշտոնին: