Երեկ որ ընդդիմադիր լրատվամիջոցները ավետում էին, թե ընդդիմությունը բացում է Ֆրանսիայի հրապարակը, ինչի՞ էին էդքան երկար կապում:
Գրեք կարճ ու կոնկրետ. ընդդիմությունը բացում է:
Երկու ամիս է, բացում է: Սկզբից Կենտրոնի բնակիչներին էր բացում, հետո՝ մարզերի, հետո՝ հանրությանը, հետո՝ լրատվամիջոցներին, մեկումեջ՝ իշխանություններին, ձեռի հետ՝ օտարերկրացիներին, դե, վերջում էլ՝ Ֆրանսիայի հրապարակին:
Ամենաշատը բացում էր, երբ ասում էին, թե սա Ղարաբաղյան շարժումից հետո երկրորդ համազգային շարժումն էր: Իրենց թվում էր, որ եթե բլոտի շնորհիվ վրաններում միշտ մարդ կար, ուրեմն՝ դա արդեն շարժում է:
Էնքան ուժեղ շարժում էր, որ դրա պարապած լիդերներից մեկին թռցրեց Ամերիկա: Մինչև հիմա այնտեղ է: Մեկնումեկդ ասեք, որ հետ գա, բացման արարողությունն ավարտվել է: