«Պարոն Փաշինյան, Դուք անտեսում եք այն քաղաքացիներին, ովքեր փորձում են իրենց խնդիրների մասին բարձրաձայնել՝ Ձեր օրինակով փողոցներ փակելով»։
Հարցադրման հեղինակը ԱԺ պատգամավոր Գևորգ Գորգիսյանն է:
«ՉԻ». Մեկ այս պատգամավորն է անընդհատ վերհիշում 2018 թվականի իրադարձությունները, մեկ էլ՝ փեսա Միշիկը: Հիմա, որ զուգահեռներ անցկացնենք, միանգամից կվազի դատարան: Դրա համար զուգահեռներ չենք անցկացնի, որպեսզի Գորգիսյանն իր աննպատակ հայցադիմումներով ավելորդ անգամ չծանրաբեռնի դատական համակարգը:
Հիշում է, որովհետև այն անդառնալի հետք թողեց Գորգիսյանի հիշողության վրա: Թաշկինակը ընդմիշտ հետապնդելու է լուսավոր երիտասարդին: Ինչպես 2018 թվականին չհասկացավ, թե ինչ է տեղի ունենում երկրում, այնպես էլ հիմա չի ընկալում իրողությունները:
2018 թվականին մի ամբողջ ազգ է փակել փողոցները, հիմա՝ մի խումբ անձինք, շատ նեղ նպատակներով: 2018 թվականին, երբ 5 հոգով փակում էին փողոցը, մի քանի րոպե հետո նրանց թիվը դառնում էր առնվազն մի քանի տասնյակ: Հիմա 10 հոգով փակում են, մի ժամ հետո էլ են մնում նույն 10 հոգով: Հետո իրենց աշխատանքային «սմենը» ավարտվում է և գնում են տուն՝ ֆեյսբուքում շարունակելով փողոց փակելու իրենց գործառույթը:
Կարծում եք՝ Գորգիսյանը չի՞ հասկանում այս պարզ իրողությունը: Իհարկե հասկանում է: Պարզապես ինչպես փեսա Միշիկի, այնպես էլ իր սիրտը չի ամոքվում 2018 թվականին ստացած վերքերից: