Աբրահամ Գասպարյան. Կենդանակերպի նշանը` Եթերազավր
Այս համաստեղության տակ ծնվածների համար շաբաթը հագեցած կլինի սկզբունքային իրադարձություններով:
Երկուշաբթի օրը Նիկոլ Փաշինյանը կհայտարարի, որ դուք Միքայել Մինասյանի հոգեզավակն եք:
Երեքշաբթի օրը Փաշինյանից կպահանջեք, որ հերքի, թե դուք Միքայել Մինասյանի հոգեզավակն եք, կամ էլ՝ դա հաստատող փաստեր բերի, եթե ոչ՝ ներողություն խնդրի:
Չորեքշաբթի օրը Նիկոլ Փաշինյանը կկրճատի Armnews-ի ֆինանսավորումը և կհայտարարի, որ առը հա, թե ձեզանից ներողություն կխնդրի:
Հինգշաբթի օրը Նիկոլ Փաշինյանին կհամարեք սուտասան, «բեզատչյոտնիկ» և օդում կրակող:
Ուրբաթ օրը կհամալրեք ազգային, թասիբով ուժերի շարքերը. երեկոյան ֆինանսական գործերի կարգավորում, բարձր տրամադրություն և նոր եթերաշրջան:
Շաբաթ և կիրակի օրերը անցկացրեք ազգային սոցիալիստական գրադարաններում. ձեր աստեղային պահը բաց մի թողեք: