Բագրատ Եսայան. Կենդանակերպի նշանը՝ Սկաուտինա
Այս համաստեղության տակ ծնվածների համար շաբաթը հագեցած կլինի սկզբունքային իրադարձություններով:
Երկուշաբթի օրը լույս կտեսնի Ալեքսանդրապոլի կապիտուլյացիային նվիրված ձեր էսսեն. «100 տարվա անմեղություն»:
Երեքշաբթի օրը իշխանությունը վերցնելու առթիվ կողջունեք «Թալիբան» շարժմանը և համագործակցության կոչ կանեք:
Չորեքշաբթի օրը կմասնակցեք «Նաիրի» ռոմանտիկ ռազմահայրենասիրական ջոկատի ընդհատակյա շնորհանդեսին:
Հինգշաբթի օրը կհայտարարեք, որ քաղաքականությունը զենքի հնարավորի արվեստն է:
Ուրբաթ օրը ԱԱԾ-ում բաց դռների օր է. հանդիպում հին ընկերների հետ, հաճելի հուշեր, բարձր տրամադրություն:
Շաբաթ և կիրակի օրերին մեկնեք Աֆղանստան. ռեստարտ արեք ձեր կենսագրությունը: