Հովիկ Աղազարյան. Կենդանակերպի նշանը` Գեշանգղ
Այս համաստեղության տակ ծնվածների համար շաբաթը հագեցած կլինի բացատրական իրադարձություններով:
Երկուշաբթի օրը կդատապարտեք Դաշնակցությանն ու Լենինին՝ հարյուր տարի առաջ ձեզ ծանր ժառանգություն թողնելու համար:
Երեքշաբթի կհայտարարեք, որ պատերազմում չեք պարտվել, որովհետև դրա համար բավարար հիմքեր չկան:
Չորեքշաբթի օրը կպնդեք, որ պատերազմից պլյուսով եք դուրս եկել. չնայած ահագին տարածքներ ենք կորցրել, բայց մնացած տարածքները մի քիչ ավելի շատ են:
Հինգշաբթի կտեղեկացնեք, որ Երևան-Գյումրի, Երևան-Իջևան և Փարաքար-Նորքի 5-րդ զանգված ավտոճանապարհներին Նիկոլ Փաշինյանի վարկանիշը անշեղորեն աճում է:
Ուրբաթ օրը կհայտարարեք, որ իշխանության կողմնակիցները պատրաստվում են զանգվածային քայլերթ անցկացնել՝ խորհրդարանի միջանցքներում:
Շաբաթ և կիրակի օրերը անցկացրեք տնային եզրույթում. աստղերը դա են ճիշտ համարում:
«Չորրորդ իշխանություն», թիվ 7, 2021