Վահագն Ալեքսանյան. Կենդանակերպի նշանը` Ֆեյսբութ
Այս համաստեղության տակ ծնվածների համար շաբաթը հագեցած կլինի ջերմեռանդ իրադարձություններով:
Երկուշաբթին կլինի ձեր աշխատանքային առաջին օրը՝ որպես պատգամավոր. կնստեք ԲՀԿ խմբակցության աթոռին, ձեզ կհուշեն, որ դուք վաղուց դուրս եք եկել «Բարգավաճ Հայաստանից»:
Երեքշաբթի օրը կառաջարկեք խորհրդարանական ընտրություններին մասնակցել «Իմ Ծափը» դաշինքով:
Չորեքշաբթի օրը կհայտարարեք, որ պատերազմում Հայաստանը ոչ մի տարածքային կորուստ չի ունեցել. պլյուս-մինուս մի 8000 քառակուսի կիլոմետր:
Հինգշաբթի կոչ կանեք Վլադիմիր Պուտինին անվանել Համայն Ռուսիոյ և Ֆրանսիոյ նախագահ, որ Նիկոլ Փաշինյանը ճիշտ դուրս գա:
Ուրբաթը ՔՊ-ի նախընտրական ցուցակի կազմավորման օրն է. առավոտյան ժամը 05:00-ից գրասենյակի մոտ կանգնած կլինեք:
Շաբաթ և կիրակի օրերին ֆեյսբուքում քլնգեք նախկիններին, բայց Ծառուկյանին չկպնեք, մարդ ես, մեկ էլ տեսար, իրավիճակ փոխվեց:
«Չորրորդ իշխանություն», թիվ 15, 2021