Հրանտ Բագրատյան. Կենդանակերպի նշանը՝ Կորոնախորոզ:
Շաբաթը կանցնի այնպես, ինչպես միշտ՝ ժողովուրդը կշարունակի չգնահատել իր մեգատաղանդին:
Երկուշաբթի կբացահայտեք, որ կորոնավիրուսով ամենից շատ վարակվածները հիվանդանոցներում են, ուստի պետք է Քոչարյանին օր առաջ ազատել կալանքից:
Երեքշաբթի կունենաք մեգահարցազրույց, ցավոք, «Հայելու առաջ»:
Չորեքշաբթի հրավեր կստանաք Տաֆթսի համալսարանից: Կպարզվի, որ նրանք էքսպերիմենտներ են անում տուֆտելու թեմայով:
Հինգշաբթի պատմական օր է: 25 տարի անց, վերջապես Արշակ Սադոյանի պորտը տեղը կդնեք: Կհայտարարեք, որ հայտնի Մալբորոն ձեզ նվիրել էր Նոբելյան մրցանակի կոմիտեն՝ որպես սփոփիչ մրցանակ Նոբելյան մրցանակ չշնորհելու համար:
Ուրբաթ ֆեյսբուքի ձեր էջում կտեղադրեք բազմաթիվ կովերի երախտագիտություն հայտնող նամակները: Նրանք իրենց շնորհակալությունը կհայտնեն, որ միակն եք, որ մտահոգված եք իրենց համար ամուսիններ գտնելու հարցում:
Շաբաթ-կիրակի անցկացրեք տանը՝ ընտանեկան հին լուսանկարները նայելով: Ընտրեք հատկապես մեկը, որ շատ եք հավանում: Կարող է վարակվեք կորոնավիրուսով և ինչ-որ մեգա********-ի առաջարկով ձեր լուսանկարները տեղադրվեն համացանցում: