Լենա Նազարյան. Կենդանակերպի նշանը՝ Բիգուձի
Այս համաստեղության տակ ծնվածների համար շաբաթը հարուստ կլինի նեղսրտած իրադարձություններով:
Երկուշաբթի օրը կհայտարարեք, որ նախկին բոլոր իշխանությունները պետք է ներողություն խնդրեն իշխանությունն իրենց թողնելու համար:
Երեքշաբթի օրը կպնդեք, որ եթե Ռուսաստանը 2020 թվի պատերազմին չմիջամտեր, ապա դուք Ղարաբաղի հարցը վերջնականապես կլուծեիք:
Չորեքշաբթի օրը Վազգեն Մանուկյանի հետ հուշագիր կստորագրեք՝ «Իդիոտների ակումբ» ստեղծելու վերաբերյալ:
Հինգշաբթի օրը կհայտարարեք, որ ինչքան երկիրը տարածքով մեծ է, այնքան հոգսերը ավելի շատ են լինում:
Ուրբաթ օրը շրջանառության մեջ կդնեք օրենքի նախագիծ, ըստ որի կբացառվի որևէ միջանցքի տրամադրում՝ Թագուհի Թովմասյանին և Աննա Գրիգորյանին, ԱԺ-ի շենքում քայլելիս:
Շաբաթ և կիրակի օրերին «նալադկա» արեք ձեր խոսափողը. կարող է պատահի, ձեզ հետևում են: