Միքայել Մելքումյան. Կենդանակերպի նշանը` Ծայրուձի
Այս համաստեղության տակ ծնվածների համար շաբաթը հագեցած կլինի տոնական իրադարձություններով:
Երկուշաբթի օրը կհայտարարեք, որ Գագիկ Ծառուկյանը աշխարհի ամենալավ մարդն է. երեկոյան ձեզ հարսանիքի կհրավիրեն:
Երեքշաբթի օրը կպնդեք, որ միայն Ծառուկյանը կարող է փրկել Հայաստանը. երեկոյան ձեզ թույլ կտան Բասկովին բարևել:
Չորեքշաբթի կերգեք հարսանիքի ժամանակ, ինչի համար ձեզանից մի տարվա աշխատավարձ կպահեն:
Հինգշաբթի օրը աշխատավարձը հետ բերելու համար Ծառուկյանի տան մոտ մանեկեն կկանգնեք. կներկայանաք որպես ղազի վալետ:
Ուրբաթ օրը կկարդաք Միքայել Մինասյանի ստատուսը՝ Ծառուկյանի մասին, կգնաք ոստիկանություն և խաբար կտաք, թե կոնկրետ որտեղ է գտնվում Վատիկանի նախկին դեսպանը:
Շաբաթ և կիրակի օրերին դիսերտացիա գրեք՝ «Տնտեսական աճի կայունության ապահովման ինստիտուցիոնալ հիմնախնդիրները ԲՀԿ-ում» թեմայով։