17.04.2021   20:15
487

Նիկոլ Փաշինյանի երազը


Որոշում է քաղաք դուրս գալ, տեսնի՝ ինչ կա, չկա, մի քիչ շփվի մարդկանց հետ: Նստում է իր զրահահեծանիվը ու Պռոշյան մտնում: Նրան հետևում են 9-րդ բանակային կորպուսն ու ԱԱԾ 4-րդ ստորաբաժանումը: Պռոշյանով իջնելիս զարմանում է, թե ինչքան նոր սննդի օբյեկտներ են բացվել: Իրար կողքի գործում են «ՀՅԴ» խորովածանոցը, «ԱՓՇ» շաուրմայանոցը, «Հաց և Իշխանյաններ» ձկան խանութը: 

Հասնում է Դեմիրճյան: Այնտեղ մայթին մի խումբ փողկապավոր ջահելներ են կանգնած: Մոտենում է նրանց. «Բարև տղերք»: Ի պատասխան երիտասարդները սկսում են ծափահարել: «Լա՞վ եք»,- հարցնում է ինքը: Ջահելներն ավելի ուժգին են ծափահարում: «Ո՞նց ա, գո՞հ եք իշխանություններից»,- ու ծափահարությունները վերածվում են օվացիայի: 

Միայն մի հոգի՝ թափով տղա, ծափ չի տալիս: «Բա դու ինչի՞ չես ծափահարում»,- հարցնում ինքը: Թափով տղան գլուխը բարձրացնում է և ասում. «Եմուտ գլուխ իմ ընդ փապարս լերանց. իջի ես ի խորս երկրի, տեսի զնիգս նորա, զի էին որպէս աղխք յաւիտենից. և ելցեն յապականութենէ կեանք իմ»:

Ինքը զայրանում է. «Էդ ի՞նչ ձև ես հետս խոսում, ո՞նց ես եկել, ստեղ կանգնել ընդհանրապես, որտեղի՞ց ես եկել, ո՞վ ես, դու էդքան չկաս, որ ես դաժե վրեդ նայեմ»,- արհամարհական հայացք է գցում նրա վրա ու շարունակում ճամփան:

Բաղրամյան պողոտա է մտնում, տեսնում է՝ Ալեն Սիմոնյանը ընդդիմության տեղադրած հարթակի վրա «Միրզայի» է պարում, լրագրողներն էլ շուրջը հավաքված, շախ են տալիս ու շաբաշ անում՝ նվազագույն աշխատավարձի հարյուրապատիկի չափով կամ մինչև 2 միլիոն դրամ: Ինքը մատը տնկում է ու քթի տակ ասում. «Հիվանդ ա, արա»: 

Հասնում է գիտությունների ակադեմիայի շենքի մոտ, նայում է, դեմը Արարատ լեռն է, լրիվ ճերմակ, ու չգիտես ինչու, սարից լույսեր են ճառագում: Ինքը հիշում է, որ սարի լանջին հարևան երկրի ռազմաբազան է, բայց դրա լույսերը գիշերն են երևում, իսկ հիմա՝ ցերեկով: «Էս ո՞նց ա սենց հնարավոր»,- հարցնում է Մանե Գևորգյանին: «Շեֆ ջան, էս Մասիս սարը չի, էս ԲՀԿ-ի նախընտրական տորթն է»,- պարզաբանում է մամլո խոսնակը ու պարզաբանումը հրապարակում իր ֆեյսբուքյան էջում: 

Նախագահական նստավայրի մոտ գլուխը բարձրացնում է, տեսնում է՝ Արմեն Սարգսյանը պատուհանից նայում է: Բայց հենց Արմեն Սարգսյանը նկատում է իրեն, անմիջապես պատուհանը ժալյուզիներով փակում է: «Պահ, պադումաեշ»,- ասում է ինքը ու հասնելով ՍԴ շենքի մոտ, տեսնում է՝ պատուհանի առաջ Հրայր Թովմասյանն է կանգնած: Բայց երբ Հրայր Թովմասյանը նկատում է իրեն, պատուհանի ժալյուզիները մինչև վերջ է բացում: «Հլը էս ազգակործան պատուհանին նայի, է՜»,- մատ է թափ տալիս ինքը:

Հասնում է օպերա: Տեսնում է՝ Թատերական հրապարակում Ռոբերտ Քոչարյանը մի փոքրիկ արկղ դեմը դրած, բարեգործական ստորագրահավաք է անցկացնում, իսկ Ազատության հրապարակում Գագիկ Ծառուկյանի անվան սամբոյի առաջնությունն է ընթանում, որի հաղթող է ճանաչվում Միքայել Մելքումյանը, և Գագիկ Ծառուկյանը նրան սպիտակ պիվա է նվիրում:

Ի վերջո հասնում է գործի տեղ, ուզում է մտնել Կառավարության շենք, բայց շենքի պահակը չի թողնում: «Էս ի՞նչ հաշիվ ա»,- նայում է Մանե Գևորգյանին: «Շեֆ ջան, կառավարության բոլոր շենքերը վաճառվել են, որ էդ փողերով Երևանից դուրս քաղաքական քաղաք կառուցվի»,- պարզաբանում է մամլո խոսնակը: «Բա հիմա ստեղ ի՞նչ ա»,- հարցնում է ինքը: «Հիմա այս շենքը գնել է «ԱրմՊրոյեկտ» ընկերությունը»: «Էդ ո՞ւմն ա»: «Ո՞նց, ումն ա, Միշիկինը, էլ ո՞ւմը»,- անվրդով պատասխանում է Մանեն: 

Արթնանում է «ԱրմՊրոյեկտի» շենքում:

«Չորրորդ իշխանություն», թիվ 15, 2021



 Պիտակներ

         Ռոբերտ Քոչարյան, Ալեն Սիմոնյան, Մանե Գևորգյան, Արմեն Սարգսյան, Հրայր Թովմասյան, Նիկոլ Փաշինյան, «Չորրորդ իշխանություն», Միքայել Մելքումյան, Գագիկ ծառուկյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


























Գործակալ 00
Գործակալ 00
01.01.2020 / 18257


Խոսող ձուկը
Խոսող ձուկը
10.11.2019 / 17874





Պեսիմիստական
Պեսիմիստական
08.03.2020 / 16812


Բոլոլա շաբաթ
Բոլոլա շաբաթ
28.09.2019 / 16434




Բա
Բա
20.11.2020 / 15376



Գործակալ 00
Գործակալ 00
01.01.2020 / 14839




Գործակալ 00
Գործակալ 00
01.01.2020 / 13900

The Tashir spider web
The Tashir spider web
09.12.2019 / 13639