Նարեկ Գրիգորյան. Կենդանակերպի նշանը՝ Անհայտ Աքլոր
Այս համաստեղության տակ ծնվածների համար շաբաթը հագեցած կլինի ռազմաօրենսդրական իրադարձություններով:
Երկուշաբթի օրը անվտանգության աշխատակիցները ձեզ թույլ չեն տա մտնել խորհրդարանի տարածք, մինչև Ալեն Սիմոնյանը չզանգի ու ասի՝ հա, տենց պատգամավոր կա:
Երեքշաբթի օրը առավոտյան կգնաք խորհրդարան, բայց իմանալով, որ ընդդիմադիր պատգամավորները բացակայում են, կվերադառնաք տուն:
Չորեքշաբթի օրը կընտրվեք ՀՀ Ազգային Ժողովի բոքսի ու լեզվակռվի մշտական հանձնաժողովի փոխնախագահ:
Հինգշաբթի օրը Ազգային անվտանգության ծառայության սպեցնազը կձերբակալի բոլոր այն լրագրողներին, որոնք նկարահանել են ձեր օրենսդրական գործունեությունը:
Ուրբաթ օրը կպարգևատրվեք «Մարտական գյաջ» 2-րդ աստիճանի թվանշանով՝ հակառակորդին անդառնալի վնաս պատճառելու համար:
Շաբաթ և կիրակի օրերին շատ պարապեք. առաջիկայում ձեր աստեղային ժամի համար լայն հեռանկարներ են բացվելու: