Րաֆֆի Հովհաննիսյան - Կենդանակերպի նշանը` Ուշամեղու:
Այս համաստեղության տակ ծնվածների համար շաբաթը հագեցած կլինի նոստալջիկ իրադարձություններով։
Երկուշաբթի օրը՝ 10 տարվա կոմայից դուրս կգաք և ծոմայի մեջ կընկնեք:
Երեքշաբթի օրը կհայտարարեք, որ պատրաստվում եք վերադառնալ, բայց թե որտեղ՝ չեք կողմնորոշվում:
Չորեքշաբթի օրը կհայտարարեք, որ թավշյա հեղափոխության արդյունքները կեղծված էին, քանի որ ոչ մի փաստ չկա, որ դրանք կեղծված չէին:
Հինգշաբթի առավոտյան ուխտագնացություն կկատարեք «Առագաստ» սրճարանից մինչև Ազգային անվտանգության ծառայության մեկուսարան՝ վերջում օդային բարևներ ուղարկելով Քոչարյանին:
Ուրբաթ օրը կհայտարարեք, որ բոլոր նախկին ու ներկա իշխանությունները պետք է պատասխան տան նախկին իշխանությունների հանցագործությունների համար:
Շաբաթ և կիրակի օրերին հայրենիքը փրկելու նպատակով զբաղվեք «Պրիվետ, Երևան» ռազմահայրենասիրական դաշինք ստեղծելու գործով: