Ռոբերտ Քոչարյան. Կենդանակերպի նշանը՝ Մյաուգլի
Այս համաստեղության տակ ծնվածների համար շաբաթը հագեցած կլինի խառախուռա իրադարձություններով:
Երկուշաբթի օրը կհայտարարեք, որ «Զանգեզուրը կոմբինատ է և վերջ»:
Երեքշաբթի օրը կահազանգեք, որ Արցախը վտանգի տակ է. նրանք, ովքեր ԺԵԿ-ի տեղեկանք չունեն, պարտավոր են գնալ ու փրկել:
Չորեքշաբթի օրը համահայկական հավաք կհրավիրեք՝ «Ի՞նչ ենք արել ժողովրդին, որ մեզ ձայն չտվեց» հարցի պատասխանը կոծկելու համար:
Հինգշաբթի օրը կհայտնեք, որ անորոշ ժամանակով դադարեցնում եք ձեր ինքնակենսագրական հերթական հատորը գրելը, քանի որ նոր հերոսությունների համար անբարենպաստ միջավայր է:
Ուրբաթ օրը դատարանում ստիպված կլինեք ինքներդ ձեր շահերը ներկայացնել, քանի որ բոլոր փաստաբանները գնացել են Սյունիքի նախկին համայնքապետերին պաշտպանելու:
Շաբաթ և կիրակի օրերին Իշխան Սաղաթելյանի հետ կմասնակցեք «Մանդատավոր ընկեր, գինի լից, գինի» նոր կլիպի ձևավորմանը: