Ռոբերտ Քոչարյան. Կենդանակերպի նշանը` Ալբանոս
Այս համաստեղության տակ ծնվածների համար շաբաթը հարուստ կլինի հերոսական իրադարձություններով:
Երկուշաբթի օրը կհայտարարեք, որ Ռուսաստանին ինտեգրվելու համար անհրաժեշտ է անցնել մեսրոպատառ կիլիրիցայի, Հայաստանն էլ վերանվանել Արմենիա:
Երեքշաբթի կվստահեցնեք, որ պատրաստ եք գալ իշխանության, եթե անցկացվի համառուսական հանրաքվե:
Չորեքշաբթի օրը լուրջ տարաձայնություններ կունենաք Վազգեն Մանուկյանի հետ. վերջինս կպահանջի, որ մի տարով երկրի ղեկավար լինի, դուք ամենաշատը 20 րոպեի համաձայն կլինեք:
Հինգշաբթի օրը Կրեմլը կհայտարարի, որ դուք լավ մարդ եք, միշտ հավատարիմ ծառայել եք ու ծառայում եք իրեն. բարձր տրամադրություն, հերոսական զգացողություններ:
Ուրբաթ օրը Թատերական հրապարակում ելույթի ժամանակ կարտասանեք «Թող միշտ զոհ լինի, ինձանից բացի» բանաստեղծությունը:
Շաբաթ և կիրակի օրերին ուսումնասիրեք ռազմական հեղաշրջումների պատմությունը. աստղերը ընտրություններում անելիք չունեն:
«Չորրորդ իշխանություն», թիվ 9, 2021