Ռոբերտ Քոչարյան. Կենդանակերպի նշանը՝ Իժայծյամ:
Այս համաստեղության տակ ծնվածների համար շաբաթը հագեցած կլինի հոգեցունց իրադարձություններով:
Երկուշաբթի օրը ազատ արձակվելու համար գրավի տակ կդնեք ձեր բոլոր գրավները:
Երեքշաբթի կհայտարարեք, որ ձեզ ժողովուրդն ավելի շատ է սիրում, դրա համար էլ ձեր օրոք իշխանամետ մամուլն ավելի շատ էր, քան հիմա:
Չորեքշաբթի օրը «Առագաստ» սրճարանում կմասնակցեք «Անհայտ հերոսի» հուշակոթողի բացման արարողությանը:
Հինգշաբթի ձեր փաստաբանական խմբին կհայտնեք, որ կորոնավիրուսի պատճառով աշխատավարձը տալու եք ոչ թե ժամավճարով, այլ օրավճարով:
Ուրբաթ օրը ձեր փաստաբանական խումբը կդիմի Սահմանադրական դատարան՝ ժամավճարի մասին որոշման համապատասխանությունը սահմանադրականության նորմերին քննարկելու համար:
Շաբաթը և կիրակին անցկացրեք տանը՝ ինքնակենսագրականի 9-րդ հատորի վրա: Եվ հիշեք, աստղերը փրկօղակ չունեն:
«Չորրորդ իշխանություն», թիվ 15, 2020