ԱԺ իմքայլական պատգամավոր Արթուր Հովհաննիսյանը հայտարարել է, թե «որևէ մեկը չի եղել ու չի կարող լինել, որ ՀՀ սուվերեն տարածքից կամ ԼՂ տարածքներից նվերներ տա, այն տարածքներից, որտեղ հայ ժողովուրդն ապրել է դարերով և պետք է ապրի»։
Եթե հաշվի առնենք, որ նախօրեին Նիկոլ Փաշինյանն առնվազն իր մասով Ադրբեջանին նվիրեց ոչ թե ինչ-որ հատվածներ «ԼՂ տարածքներից», այլ ամբողջ Արցախը, ապա եզրակացությունը միակն է՝ շեֆի ասուլիսի ժամանակ Արթուր Հովհաննիսյանի «տելեվիզրը» փչացած է եղել։ Բայց այլ բացատրություններ նույնպես կարող են լինել, որովհետև այդ նույն իմքայլական ջահելը հայտարարել է նաև, թե «Ալիևը վստահելի չէ, ռազմական հանցագործ է», բայց «մենք նրա հետ ամեն դեպքում գնում ենք խաղաղության»։
Ինչ վերաբերում է նրա այն հայտարարությանը, թե «նախկին իշխանություններից որևէ մեկը քայլ չի արել, որ Արցախը չճանաչվի Ադրբեջանի կազմում», ապա այս առթիվ մեր միակ հարցն ուղղված է ՊԵԿ Մաքսանենգության դեմ պայքարի գլխավոր վարչությանը․ դուք հաստա՞տ առգրավված ամբո՛ղջ կոկաինն եք պահում ձեր պահեստներում, ԱԺ քաղաքական մեծամասնությունը հաստա՞տ երբևէ չի պահանջել ամենամսյա պարգևավճարների մեջ «բնամթերային բաղադրիչ» ներառել։