Հրանտ Բագրատյանը ֆեյսբուքում գրառում է արել և կասկածի տակ դրել Հայաստանի Հանրապետության զինված ուժերի կողմից ռուսական «ՍՈՒ-30» ինքնաթիռների ձեռքբերումը:
«ՉԻ». Տնտեսությունը հորով-մորով արեց, հիմա էլ անցել է ռազմական գործին, մինչդեռ ճիշտ կաներ պարզաբանումներ ներկայացներ, թե ինչու վերջին 1,5 տարվա իր կանխատեսումներից և ոչ մեկը չի իրականացել:
Ինչո՞ւ չկա տնտեսական և ֆինանսական կոլափս, ինչո՞ւ ի հեճուկս իր կանխատեսումների՝ ոչ միայն վճարվում են աշխատավարձերը, այլ նաև՝ բարձրացվում:
Թերևս Բագրատյանի վրա ազդել է այն, ինչ իր հետ արեց Արցախի նախագահի թեկնածու Արայիկ Հարությունյանը:
Հիշեցնենք, Հարությունյանը կասկածի տակ դրեց Բագրատյանի ընկերական որակները և տնտեսական գիտելիքները:
Համոզված ենք՝ Բագրատյանի հաջորդ թիրախը լինելու է առողջապահության համակարգը: Կասեք՝ նա բավարար գիտելիքներ չունի այդ համակարգից, կպատասխանենք՝ դժվարն առաջինն էր, ռազմական բնագավառից էլ չունի, բայց հայտնեց իր հեղինակավոր կարծիքը:
Բագրատյանը գնալով նմանվում է սովետական հայտնի ֆիլմի հերոսին.
«-Песчаный карьер
-Я
-Уборка улиц
-Я
-Мясокомбинат
-Я
- До подождите вы»: