Նաիրա Զոհրաբյանը ֆեյսբուքի իր էջում գրել է. «Եվ քանի որ Հայաստանի իշխանությունն ունակ չէ այլևս զբաղվելու հայ ռազմագերիների խնդրով, դա պիտի անենք ու շարունակելու ենք անել անհատ պատգամավորներս»:
«ՉԻ». Չէ հա, փաստորեն դուք եք զբաղվում հայ ռազմագերիների հարցով: Փաստորեն մեկ ելույթի հնարավորությունն օգտագործելը և այն Նավալնուն ու Սորոսին նվիրելը «Բարգավաճի» լեզվով կոչվում է զբաղվել ռազմագերիների հարցով: Բա մի հատ քո ամբողջ հզորությամբ հարձակվիր բրոկեր գործընկերոջդ վրա, ասա՝ էս ինչե՞ր ես դուրս տալիս:
Կամ՝ Ստրասբուրգ գնալ, հասնելն ու բողոքելը, թե քեզ ֆեյսբուքում վիրավորում են, քանի որ կին ես, նույնպես կոչվում է զբաղվել ռազմագերիների հարցով:
Որքան ցինիզմ է պետք, որպեսզի սկզբում ժողովրդին անվանես «ժեխ», իսկ հետո գնաս ԵԽԽՎ ու բողոքես, թե քեզ սոցիալական ցանցերում վիրավորում են: Նաիրա Զոհրաբյանին թվում է, թե եվրոպացի պատգամավորներն էլ են Ծառուկյանի պես սոցիալական ցանցերի գրառումներին ծանոթանում Իվետա Տոնոյանի A4 ֆորմատի թղթի վրա արված «դայդժեսթի» հիման վրա:
Հայ ռազմագերիների հարցը երկու ուժ է շահարկում: Ադրբեջանը պատանդ է պահում նրանց, որպեսզի Հայաստանից կորզի նորանոր զիջումներ, իսկ հայաստանյան որոշ քաղաքական ուժեր օգտագործում են այդ չափազանց զգայուն հարցը իշխանությունը զավթելու համար: