«ՀՀ 3-րդ նախագահի ասուլիսը կազմակերպվել և անցկացվել է հանգստի համար նախատեսված բաց տարածքում` պահպանելով հակահամաճարակային բոլոր կանոնները»:
Սպառիչ պատասխանի հեղինակը Սերժ Սարգսյանի փաստաբան Ամրամ Մակինյանն է:
«ՉԻ». Այ սա հասկանալի է, թե չէ՝ ասուլիս ենք հրավիրել, պատերազմ ենք վերլուծում, ծանրակշիռ խոսք ունենք ասելու և այլ զառանցանքներ: Մարդը պարզ ասում է, որ Սարգսյանը հանգստանում էր, բայց՝ միայնակ չէ, լրագրողների հետ:
10 տարի նույն լրագրողները Սերժ Սարգսյանից տեսել էին միայն արհամարհանք, վերամբարձ տոն և հեգնանք: Կյանքի 7-րդ տասնամյակում Սարգսյանը գիտակցել է իր սխալները և լրագրողներին հրավիրել է միասին հանգստանալու «Հարսնաքար» ռեստորանային համալիրում: Ինչ է, հանգստանալիս լրագրողները չե՞ն կարող լսել մեկի պատմությունը, թե ինչպես է պատերազմներ հաղթել կամ հանճարեղ դիվանագիտություն իրականացրել:
Միակ բաց հարցը մնում է այն, թե ինչու էին մեծ մարդուն տաբատ և վերնաշապիկ հագցրել ու չէին թողել հանգիստը վայելի իր սիրած դեղին լողազգեստով: