Քոչարյանի աջակից, հոգեբան Միհրդատ Մադաթյանը հայտարարել է. «Նիկոլ Փաշինյանը հայ կնոջը զրկել է շպարվելու հաճույքից»:
«ՉԻ». Եվ աջակիցների այս «մատերիալից» Քոչարյանը փորձում է թիմ ստանալ: Թերևս չանդրադառնայինք այս կերպարին, եթե նա այդպիսին միայնակ լիներ աջակիցների խմբում: Բայց այնտեղ շատերն են նույն գծի մեջ և հայտարարում են, որ դիմակների միջոցով իշխանությունը փորձում է քչացնել Հայաստանի ազգաբնակչության քանակը:
Ընդհանրապես տպավորություն է, որ Քոչարյանը ուշ գիշերն է այցելել շուկա և ստիպված այնպիսի աջակիցների է գնել, որոնց ոչ ոք օրվա ընթացքում չի գնել, իսկ առավոտյան թափելու էին, որովհետև արդեն փչացած էին:
Կամ ինչ խտրականություն է խոսել միայն կանանց մասին: Օրինակ՝ Մադաթյանի երկրպագած քաղաքական գործիչներից մեկը նույնպես ցանկանում է դեմքը բոտեքս անել, ինչպես դա արել է նրա հետ քիմիական կապի մեջ գտնվող մեկ այլ օտարերկրյա գործիչ, բայց Փաշինյանի դիմակ կրելու պարտադրանքի պատճառով երբեմնի երիտասարդ թոշակառուն զրկվել է այդ հաճույքից:
Եվ, ի վերջո, կառավարության մեր աղբյուրները հայտնում են, որ Փաշինյանը անձամբ Մադաթյանին թույլ է տալիս անել այն, ինչ մտքով անցնում է: Օրինակ, չէր խանգարի, եթե բակերը դեպիլյացիա աներ: