Հոգեբան Միհրդատ Մադաթյանը՝ անդրադառնալով սահմանադրական փոփոխությունների հանրաքվեի «Այո» քարոզարշավին, հայտարարել է. «Իշխանություններն «Այո»-ի պարտության վտանգ են զգում, դրա համար էլ վարչապետն ինքն է մետրոյում բուկլետներ բաժանում»:
«ՉԻ». Սա մեզ հիշեցրեց «Կարգին հաղորդման» սքետչերից մեկը, երբ հոգեբանի աշխատասենյակի դռան ցուցանակի վրա «Հոգեբան»-ի փոխարեն սխալմամբ գրել էին «Հոգեկան»:
Սա՝ իմիջիայլոց:
Մեր ասելիքն այլ է: Այսօր երբ բացում ես լրատվական կայքերի էջերը, զարմանահրաշ բաներ ես տեսնում:
Մեկը ներկայանում է հոգեբան, բայց խոսում է սահմանադրական փոփոխությունների հանրաքվեի մասին:
Սահմանադրագետը խոսում է կորոնավիրուսի վտանգների մասին:
Քաղաքագետը խոսում է Գյումրիում ծեծի, բռնության ենթարկված աղջկա առողջության մասին:
Նեյրովիրաբույժը խոսում է ԼԳՏԲ-ի տարեկան ժողովի մասին:
Գագիկ Ծառուկյանը խոսում է բարի գործերի, իսկ Վարդան Ղուկասյանը՝ աստվածային երևույթների մասին:
Էդմոն Մարուքյանը խոսում է ոչ մի բանի մասին չխոսելու մասին:
Իսկ Սոֆյա Հովսեփյանը խոսում է ամեն ինչի մասին: