«Ու հիշի, ոնց ալիևնա Նախագահ Քոչարյանի մոտ կզած ման եկել, տենց էլ դու ես ման գալու...». Արա Վարդանյան:
«ՉԻ». Ինչո՞ւ միայն Ալիևը, Քոչարյանի դեմքը տեսնելիս գիտե՞ք՝ ինչպես էին դողում Էրդողանի ոտքերը: Երևի նկատած կլինեք, որ դժվարությամբ է քայլում: Իմացեք՝ ում շնորհիվ է դա:
Վարդանյանի գրածը շատ կարևոր բանի մասին է վկայում: Քոչարյանի թիմը հաղթելու հույս չունի, այլապես Ալիևի հոր մասին չէին գրի՝ կզած էր ման գալիս: Եթե մեկը իշխանություն վերցնելու և պարտված դիրքերից հակառակորդի հետ արժանապատիվ բանակցություններ վարելու հույս ունի, նրա հորը կամ հենց նրան չի անվանում կզած ման եկողներ: Պարզ տրամաբանություն է:
Իհարկե, ադրբեջանական հետախուզությունը դժվար թե Արա Վարդանյանի ստատուսները կարդա, բայց քոչարյանական մեդիան այն այնպես է տիրաժավորում, որ դժվար թե վրիպի նրանց աչքից: Այնպես որ, եթե հայ ժողովուրդը պարտվի ընտրություններում, և Քոչարյանը գա իշխանության, արա վարդանյանների ճոռոմաբանության պատճառով երկիրը լուրջ պրոբլեմներ է ունենալու: