Երեքշաբթի 19.10.2021 00:15

18.09.2021   17:35
499

Երեսուն տարի անց կամ ոչնչացված տրամաբանություն


Անկախության երեսնամյակին հաջորդելու է խայտառակ պատերազմի մեկ տարին: Ցավոք, երեսուն տարի առաջ հայ հասարակությունն ավելի ռացիոնալ էր, քան հիմա է: Սակայն Հայաստանի պատմությունը ո՛չ երեսուն տարի առաջ է սկսվել, ո՛չ 3 տարի առաջ, ո՛չ էլ 1: Անկախ Հայաստանը Խորհրդային Հայաստանի շարունակությունն էր՝ դրական և բացասական բոլոր իրողություններով:

ՀԽՍՀ ժառանգությունը նախ և առաջ մարդիկ էին, որոնք Անկախության հանրաքվեով, այսինքն՝ օրինակարգ ճանապարհով ընտրեցին անկախանալու ուղին: Ընտրությունը գիտակցված էր, մտքի և տրամաբանության հաղթանակ էր, որին հաջորդեց հաղթանակը ռազմի դաշտում: 

Նորմալ մարդկանց համար հասկանալի էր, որ իրական անկախ պետություն ունենալը ջանքեր և ժամանակ է պահանջում, սակայն մեր առավելապաշտ ծայրահեղականները անասելի աղմուկ բարձրացրին, երբ 90-ականների սկզբին ՀՀ առաջին նախագահ Լևոն Տեր-Պետրոսյանը խոսեց անկախացման գործընթացի սկզբի մասին: Խիստ հայրենասերների կարծիքով՝ մենք արդեն անկախ էինք: 

Հայդատական, պահանջատիրական, քիչ ուշ՝ ոչմիթիզական հանրույթը կուսակցական տարբեր մոդիֆիկացիաներով (ԱԺՄ, ՀՅԴ, ՀՀԿ, Ծռեր և այլն) ամեն ինչ արեցին, որ անկախացման մեր առաջին տարիների ռացիոնալ դիսկուրսը վերացնեն և ազգային հիվանդ միֆերը ներկայացնեն որպես ազգային գաղափարախոսություն, երազանք կամ հեռանկար: 

Բնական էր, որ հանրությունն այս աղմուկի մեջ աստիճանաբար կորցնում էր «մտքի թելը» և վերածվում մի կողմից բողոքավոր, բայց անգործունակ զանգվածի, մյուս կողմից՝ կեղծ հերոսականություն կրող ամբոխի: 

Այն, որ հատկապես 1998-ին հաջորդող հերոսական պաթոսը կեղծ էր, լավ երևաց 2021 թ. հունիսի 20-ի ընտրությունից: Մեր երկրում 600000-ից ավելի ընտրողներ հաշտվել են ազատագրված տարածքների, Հադրութի և Շուշիի կորստի հետ, ներել են կամ անգամ չեն նկատել հազարավոր երիտասարդների զոհաբերումը, չեն հասկանում, որ Նիկոլ Փաշինյանին ձայն տալով՝ կործանում են Հայաստանը:

90-ականների սկզբի հակալևոնական աղմուկը, որ, ինչպես նշեցինք, ազգային գաղափարախոսության պաճուճանք ուներ, բնույթով նախ և առաջ հակաանկախական էր: Այսինքն՝ վարկաբեկելով Առաջին նախագահի գաղափարները՝ Վազգեն Մանուկյանը, դաշնակցականները և այլք վարկաբեկում էին հայոց անկախ պետականությունը: 

Հանրությունը և առաջին հերթին Խորհրդային Հայաստանում ձևավորված մտավորականության աղմկոտ շերտը սկզբում շշուկով, բամբասանքով, հետո՝ բարձրաձայն կրկնում էին, թե երկիրը երկիր չէ, պետք է նորը կառուցել: 
Իհարկե, այս ծերունական մառազմի, ոչ վաղ անցյալում «բեսեդկայական», այժմ սոցցանցային ազգային գաղափարախոսության ռեկորդակիրը Նիկոլ Փաշինյանն է, որի խոսույթի հիմնական մոտիվը նախորդ երեսնամյակը ջնջելն է: Ջնջեց:

Ցավոք, անգամ պարտությունը մեզ չսթափեցրեց: Պատերազմից մեկ տարի է անցել, իսկ մենք ոչինչ չենք անում՝ բացի ինքնարդարացումից, բողոքելուց կամ նվնվալուց: (Թեպետ «ռեալիստները» գտել են ճանապարհը. լքում են երկիրը, որ ուրիշների կառուցած պետություններում ապահովեն իրենց զավակների քիչ թե շատ ապահով ապագան): Իսկ մեր դժվար ծնված անկախ պետությունը ո՛չ օրակարգ ունի, ո՛չ իշխանություն, ո՛չ էլ բանական խոսույթ ձևավորող ինտելեկտուալ վերնախավ: Փոխարենը ծաղկում են սովետից մնացած մտավորականության իռացիոնալ պրոպագանդանդիստները՝ ներկայանալով որպես ազգայինի կրող, և ՔՊ-ական կիսագրագետ ֆեյքերը, որոնք ո՛չ սկզբունքներ ունեն, ո՛չ բավարար կրթական ցենզ, սակայն իրենց իրավունք են վերապահում կարծիք հայտնելու: 

Այսպիսով՝ կարող ենք արձանագրել, որ անկախացումից 30 տարի անց կրած մեր ջախջախիչ պարտության հիմքում նորմալ տրամաբանության ոչնչացումն էր:

Զարուհի Գաբրիելյան



 Պիտակներ

         Զարուհի Գաբրիելյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները

Գույժ
Գույժ
16.10.2021 / 8988




























Հերքում
Հերքում
12.10.2021 / 1399

Պողոսի երազը
Պողոսի երազը
12.10.2021 / 1318




















Բազմածնունդը
Բազմածնունդը
11.10.2021 / 618