«Եթե Արայիկ Հարությունյանն ընտրվի ԱՀ նախագահ, ես կաջակցեմ նրա ծրագրերի իրականացմանը, այն է՝ Արցախի զարգացմանը, և վստահ եմ, որ մեր համագործակցությունն ավելի կզարգանա և կամրանա»,- հայտարարել է «Ավրորա» մարդասիրական նախաձեռնության համահիմնադիր, բարերար Ռուբեն Վարդանյանը:
«ՉԻ». Պետք է գնահատել պարոն Վարդանյանի անկեղծությունը: Մարդը գրեթե ուղիղ ասում է, թե ի՞նչ է ուզում և ո՞ր դեպքում է պատրաստ աջակցել իր հայրենիքին:
Սովորաբար նման դիրքորոշում ունենում են բիզնես ծրագրերի գործընկերներ ընտրելիս, բայց ոչ թե հայրենիքին օգնելու բարձրագոչ հայտարարություններ փաթեթավորելիս:
Ծագումով արցախցի Վարդանյանը պետք է գիտակցի, որ Արցախին պետք է օգնել անկախ այն հանգամանքից, թե ով է երկրի նախագահը:
Ավելի ընդունելի կլիներ, եթե Վարդանյանը հայտարարեր, որ ցանկացած պարագայում Արցախում ներդրումներ է անելու, բայց որպես լավ ընկեր ցանկանում է Հարությունյանին տեսնել նախագահի պաշտոնում:
Իսկ, մեծ հաշվով, խիստ մտահոգիչ է ռուսական հայտնի շրջանակների այսպիսի ակնհայտ լոբբինգը Արայիկ Հարությունյանի օգտին: