Սատիրիկոն/Լուր-մեկնաբանություն
26.02.2021 / 16:15
Սատիրիկոն/Լուր-մեկնաբանություն
26.02.2021 / 15:00
Սատիրիկոն/Լուր-մեկնաբանություն
26.02.2021 / 14:00
Սատիրիկոն/Լուր-մեկնաբանություն
26.02.2021 / 12:30
Քաղաքական
26.02.2021 / 11:05
Քաղաքական
25.02.2021 / 23:27
08.10.2019   10:30
5086

Համաշխարհային ազգի առաջնորդը հրաշալի հոտառություն ունի


Հանրային խորհրդի նախագահ Վազգեն Մանուկյանը դժգոհ է կառավարության աշխատանքից և «Վերնատուն» անունով հասարակական-քաղաքական ակումբ է ստեղծել։ Համաշխարհային ազգի առաջնորդի կարծիքով, իշխանության վարած քաղաքականության հետևանքով Լեռնային Ղարաբաղի հակամարտության բանակցային գործընթացը մտել է փակուղի, ինչը մեծացրել է լայնամասշտաբ ռազմական գործողությունների վերսկսման հավանականությունը։ Պարոն Մանուկյանի ասելով՝ իր ակումբը պիտի խնդիրները հաղթահարի և հանրությանը կոնսոլիդացնի։

Հիմա տեսնենք, թե որքանով է անկեղծ եղել Վազգեն Մանուկյանը հայտարարության տեքստը գրելու պահին և ընդհանրապես ո՞ւմ շահերին է ծառայելու «Վերնատուն»-ը։ Բայց պիտի մեզ մի փոքր նեղություն տանք և վերհիշենք հեռավոր 90-ականները՝ պատերազմի տարիները, որ պարզ դառնա Վազգեն Մանուկյան երևույթի անցած ուղին և ակումբի ստեղծման իրական նպատակները։ Վազգեն Մանուկյանը 90-ականերին ստեղծեց ԱԺՄ-ն, նույն հավակնություններով էլ հիմա ակումբ է ստեղծում։ Ենթադրվում է, որ հիմա էլ վարչապետ է ուզում դառնալ։ ԱԺՄ-ում հայտնվեցին նրանք, ովքեր Լևոն Տեր- Պետրոսյանից դժգոհ էին, որ իրենց կարծիքով, իրենց վայել պաշտոն չէին ստացել, դե իրենն էլ պարզ է «նախագա» չէր։ Դաշնակներն էլ իրենց պատճառներն ունեին հիմնադիր նախագահից դժգոհելու, իհարկե, սա այլ խոսակցության թեմա է։ Իսկ հիմա Վազգեն Մանուկյանը հայտարարում է, որ հանրություն է կոնսոլիդացնում։ Իրականում կոնսոլիդացնում է Նիկոլ Փաշինյանից դժգոհողներին՝ հիմնականում Քոչարյանի աջակիցներին։ Արդար լինելու համար արձանագրենք, որ համաշխարհային ազգի առաջնորդի հոտառության զգայարանը լավ է գործում։ Ակումբի ղեկավարն ունենալով բավարար փորձառություն, կարծես թե 90-ականների սցենարն է ուզում իրականացնել, բայց մի փոքրիկ շտրիխ հաշվի չի առել, որ  90-ականերին հանրությունը տեղեկացված չէր, իսկ հիմա հանությունը քաջատեղյակ է Վազգեն Մանուկյանի քաղաքական անցյալին և ոչ մի պարագայում նրա շուրջը չի կոնսոլիդանա։ Ակումբը կոնսոլիդացնելու է հիմնականում Քոչարյանի աջակիցներին, որը նույնիսկ հեռավոր աղերս չունի հանրության հետ այնպես, ինչպես իր ղեկավարած ՀԽ-ն։ Հանրությունը կոնսոլիդացվել է դեռ 2018 թ ապրիլի 23-ին և մերժել է նախկին կոռումպացված համակարգը։ 

Իսկ ինչ վերաբերվում է Վազգեն Մանուկյանի հայտարարությանը, թե իշխանության վարած քաղաքականության հետևանքով Լեռնային Ղարաբաղի հակամարտության բանակցային գործընթացը մտել է փակուղի, ինչը մեծացրել է լայնամասշտաբ ռազմական գործողությունների վերսկսման հավանականությունը, ապա սա արդեն ապացույցն է այն բանի, որ պարոն Մանուկյանը մի քիչ անկեղծ չի եղել։ Արդեն քսան տարի է Ղարաբաղի կոնֆլիկտի լուծումը փակուղում է, երբ Քոչարյանը Ղարաբաղը դուրս է մղել բանակցային գործընթացից։ Եթե փակուղում չլիներ արդեն պիտի լուծում ստացած լիներ, իսկ Վազգեն Մանուկյանը լռում էր։ Ինչ վերաբերվում է լայնամասշտաբ պատերազմի վերսկսելուն, ապա խաղաղության այընտրանքը պատերազմն է։

Բնական է, որ Վազգեն Մանուկյանը դժգոհ է լինելու կառավարության աշխատանքից, եթե ինքը չէ կառավարության ղեկավարը, ով էլ լինի երկրի ղեկավարը ինքը պիտի դժգոհ լինի և տարատեսակ կուսակցություներ ու ակումբներ ստեղծի։ Մեր փոքրիկ անդրադարձը նորագույն պատմության ակունքներին թույլ է տալիս ենթադրելու, որ Վազգեն Մանուկյանի ստեղծված «Վերնատուն» ակումբին սպասվում է նույն ճակատագիրը, ինչին որ արժանացավ ԱԺՄ-ն։ Սցենարը նույնն է։ 

Ջավահիր Այվազյան 



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Վազգեն Մանուկյան, Ջավահիր Այվազյան


››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված













Շատ ուրախ ե՞ք
Շատ ուրախ ե՞ք
09.02.2021 / 980









Էդ սպառնըմ ե՞ս
Էդ սպառնըմ ե՞ս
10.02.2021 / 843


















Խզարում ենք
Խզարում ենք
02.02.2021 / 635