Երկուշաբթի 13.07.2020 12:17

Ձեռագրերը չեն այրվում
12.07.2020 / 21:00
Քաղաքական
12.07.2020 / 20:00
Տնտեսական
12.07.2020 / 19:00
Երազահան
12.07.2020 / 11:00
Լուր-մեկնաբանություն
12.07.2020 / 10:00
Աստղագուշակ
11.07.2020 / 22:00
15.11.2019   20:00
1746

Մերժվածների կոնսոլիդացիան անհեռանկար է


Հանրային խորհրդի արդեն նախկին նախագահ Վազգեն Մանուկյանն այսօր Կարեն Դեմիրճյանի անվան մարզահամերգային համալիրի նիստերի դահլիճում հրավիրել էր իր հիմնադրած «Վերնատուն» հասարակական-քաղաքական ակումբի համաժողովը։ Համաժողովին մասնակցում էին հանրությանը հայտնի դեմքեր։ Հայտնիներից հիմնականում նրանք էին, ովքեր ստորագրել էին Քոչարյանի խափանման միջոցը փոխելու տեքստի տակ և նրանք էին, ովքեր դեմ են եղել ու դեմ են հեղափոխությանը։ Մի խոսքով հանրության կողմից տարատեսակ մերծվածները կոնսոլիդացվում են։ Այս պարագայում անհասկանալի է, թե ինչու է ակումբի անունը դրել «Վերնատուն»։ Շատ ավելի ճիշտ կլիներ ակումբի անունը լիներ «Մերժվածների կենտրոն»։  

Ակումբի հիմնական նպատակը նախկինների ռևանշի ապահովումն է, և բնական է, որ պիտի վարկաբեկեն իշխանություններին, իսկ Վազգեն Մանուկյանն արդեն դերի մեջ է և իր բոցաշունչ ելույթում ասել է. «Կոռուպցիան մի քիչ նվազել է, բայց մենք առաջ չենք գնացել այդ հարցում։ Հայաստանում կա խնդիր նախկին կոռուպցիոներների հարցերը լուծելու։ Անընդհատ հետ նայելով մենք ոչինչ չենք ունենա»։ Մանուկյանը հեղափոխությունից հետո փոփոխություների մասին ասել է․ «Վերադարձա՞վ պետությունը ժողովրդին, ո՛չ, Արցախի հարց, տնտեսություն, ներքին քաղաքականություն, դա՞ էինք մենք ուզում։ Ասվում է՝ շատ ձայն ենք ստացել, ժողովրդի անունից ենք խոսում։ Մեզ պետք է իսկական ժողովրդավարական պետություն։ Ժողովրդի բնական ցանկությունների վրա կարելի է դեռ այս խաղը շարունակել, բայց դա ապագա չունի։ Այս ճանապարհը տանում է անմակարդակ, ոչ ազգային բռնապետության։ Կստացվի՞, ո՛չ իհարկե»։  

Փորձենք հասկանալ Մանուկյանի երազած ժողովրդավարությունը։ Իհարկե, շատերն են կարդացել 1996թ-ին նրա գրասենյակում հայտնաբերված նոթատետրը և փայլուն են պատկերացնում Վազգեն Մանուկյան քաղաքական գործչի կերպարը։ Մի կողմ թողնենք նոթատետրում նրա ուղղագրական ու շարահյուսական սխալները, բայց թե ինչպիսի պատկերացում ունի ժողովրդավարության մասին և ինչ ապշեցուցիչ ճանապարհով է ուզում հասնել իշխանության, գրեթե անհնար է պատկերացնել։ Իսկ այսօր նորից ձգտում է իշխանության, խոսում է մակարդակից, ժողովրդավարությունից, պետությունն է ուզում վերադարձնել ժողովրդին, երբ հավերժ նախագահի թեկնածուն 2008թ-ի նախագահական ընտրություններին ընդամենը ստացել էր 0,9%։ Իսկ սեփական փորձից է ասում, որ ժողովրդի բնական ցանկությունների վրա կարելի է դեռ այս խաղը շարունակել, բայց դա ապագա չունի։ Այս մասին մանրամասը նկարագրել է նոթատետրում։ Իսկ ինչ վերաբերվում է Արցախի հարցին, ապա քսան տարի է Արցախի հարցը փակուղում էր, Վազգեն Մանուկյանը լռում էր։ Վազգեն Մանուկյանի համար արդար ընտրություններով 70 % ստացած իշխանությունը ժողովրդավարական չէ, բայց որ ընտրություններն էին կեղծվում, այդ ժամանակ ժողովրդավարական էր, և Վազգեն Մանուկյանը վայելում էր Հանրային խորհրդի նախագահի պաշտոնը ու համեստորեն լռում էր։ Վազգեն Մանուկյանը դժգոհում է, որ կոռուպցիան քիչ է նվազել և այդ հարցում առաջընթաց չկա, բայց հետ նայել չի ուզում։  

Այո, պարոն Մանուկյան նախկին կոռուպցիոներների խնդիրը պետք է լուծել, և եթե ժողովուրդն իշխանություններից դժգոհ է, հիմնականում նրա համար է դժգոհ, որ նախկին կոռուպցիոներների հարցերը չեն լուծվում, եթե հետ չնայեն, կոռուպցիայի դեմ պայքար չի լինի։ Վազգեն Մանուկյանը 10 տարի հանրային խորհուրդ ղեկավարեց, հանրությունն անտեղյակ էր, իսկ հիմա ակումբում հավաքել է հանրության կողմից մերժվածներին ու մի քանի «ժամկետանց» գործիչների, որոնք ժամանակ առ ժամանակ «կենդանության» նշաններ են ցույց տալիս, այն էլ այն ժամանակ, երբ պետք է լինում նախկին իշխանություններին։ Այո, իշխանություններից դժգոհություն կա, որ համակարգային փոփոխություներ չեն անում, բայց դա չի նշանակում, որ դժգոհողը Վազգեն Մանուկյանի կողքին է կանգնելու և թող իզուր հույսեր չփայփայի։ Մերժվածներին վերադարձ չկա, ինչ ձևաչափով էլ որ կոնսոլիդացիան լինի։ Անհեռանակար զբաղմունք է։ Հասարակությունը ինչքան էլ քննադատի, էլի իշխանությունների կողքին է։

Ջավահիր Այվազյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Ջավահիր Այվազյան, Վազգեն Մանուկյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



Տիկին կոշկակարը