ԴԱՀԿ նախկին պետ Միհրան Պողոսյանը հայտարարություն է տարածել, որում մասնավորապես ասված է. «Հողատուի հակահայկական հերթական մտադրությունը պատճառաբանվում է շանտաժով, թե «հակառակ պարագայում պատերազմ կլինի, Ադրբեջանը ուժով կվերցնի, իսկ մենք չենք կարող դիմակայել»: Այսօր բոլորիս գլխավերևում առկախված արհավիրքը բացահայտ նշանակում է պետականության կորուստ։ Կորցնում ենք բոլորս։
Առաջիկայում կտեղեկացնենք Հայոց համազգային միասնություն կուսակցության ձեռնարկելիք գործողությունների մասին»:
«ՉԻ». Յանի՝ նայեք, արդեն քաղաքականությամբ եմ զբաղվում, նույնիսկ մտահոգություն հայտնելն եմ սովորել:
Արդեն սեփական արտադրության կուսակցության անունից է խոսում, որ իրեն հնարավորինս շուտ քաղաքական գործիչ անվանեն: Թե չէ ընկել են հետևից. բանանի արքա, կոռուպցիա, եսիմ ինչ..
Բայց ենթադրում ենք, որ Միհրան Պողոսյանը հայոց քաղաքական երկնակամարում նույնքան թարմ կմնա, ինչքան իր ներմուծած բանանները:
Ասում ենք՝ բալքիմ քաղաքական դաշտը մի քիչ մաքրվի մոլախոտից, ավելի է շատանում: