Չորեքշաբթի 16.06.2021 22:14

27.05.2021   17:10
542

Ինչո՞ւ Ռուսաստանը չի միջամտում


«Պատիվ ունեմ» դաշինքի առաջնորդ Արթուր Վանեցյանը՝ անդրադառնալով անցած գիշեր ադրբեջանական զինվորների կողմից Հայաստանի տարածքում հայ զինծառայողների գերեվարմանը, ասել է. «Այսօր վեց հայ զինծառայողների գերեվարումը ես կապում եմ Նիկոլ Փաշինյանի՝ երեկ Ազգային Ժողովում արած հայտարարությունների հետ։ Նա անուղղակիրոեն մեղադրեց ՀԱՊԿ-ին ու Ռուսաստանին Հայաստանի սահմաններին տիրող իրավիճակի համար։ Ադրբեջանը, նկատելով, որ այդ հարաբերություններում կա ճեղք, խնդիր, օգտվեց այդ առիթից, որպեսզի այդ ճեղքն ավելի խորացնի»:

Նախ, տեսնենք, թե խորհրդարանում ինչ էր ասել Փաշինյանը: Մեջբերենք. «Այս պահի դրությամբ ՀԱՊԿ-ի գործողությունների արագությունը մեզ չի բավարարում, բայց մենք շարունակելու ենք հետևողականորեն աշխատել այդ ուղղությամբ: Կարծում եմ՝ նախնական մտահղացումը, որը, իմ կարծիքով, Ադրբեջանն ունի, այս պահի դրությամբ, չեզոքացված չեմ համարում: Այդ մտահղացման վերաբերյալ մեր գործընկերները պետք է հստակ դիրքորոշում արտահայտեն: Աշխատանքային մակարդակում այդ դիրքորոշումն արտահայտվում է, բայց հրապարակային մակարդակում չի արտահայտվում: Այս հարցերում պետք է հստակություն մտցվի»:

Չենք կարող ասել, թե Փաշինյանի այս հայտարարությունները կամ ՀԱՊԿ-ի ուղղությամբ «բոչկա» գլորելը որքանով կապ ունեն մեր զինվորների գերեվարման հետ, բայց փաստ է՝ Փաշինյանը այս իրավիճակի համար դժգոհ է ՀԱՊԿ-ից: Բայց սա խոսում է ոչ թե ՀԱՊԿ-ի վատ գործունեության մասին, այլ նրա, որ Ռուսաստանի հետ հարաբերությունները բերել, հասցրել են մի վիճակի, երբ ռուսները պարզապես երես են թեքել Հայաստանից կամ Հայաստանի իշխանություններից: Պատճառները մի քանի անգամ նշել ենք. էն, որ իշխանական քարոզիչները, վերլուծաբան կոչվողները, տակից, այսպես՝ «գյոզերով» կամ բացահայտ հակառուսական քարոզչություն են տանում, Արցախյան պատերազմում պարտության մեղքը պարբերաբար ռուսների վրա են գցում, միայն այս հանգամանքն արդեն չի կարող չազդել հայ-ռուսական հարաբերությունների վրա: Որովհետև դրանով դու քո գործընկերոջ հանդեպ անվստահություն ես սերմանում: Նա էլ սկսում է քեզ չվստահել:

Բայց սա այն նույն Ռուսաստանն է, որը 1992թ. մայիսի վերջերին Նախիջևանի սահմանին տեղ գտած միջադեպից հետո, երբ Թուրքիան կոշտ հայտարարություն արեց ու սպառնաց միջամտել, ԱՊՀ Զինված Ուժերի հրամանատար Եվգենի Շապոշնիկովը Թուրքիային երրորդ համաշխարհայինով սպառնաց: Այդ ո՞նց է լինում, որ մի դեպքում Ռուսաստանը իր ԶՈւ հրամանատարի շուրթերով այսպիսի հայտարարություն է անում, որից հետո Թուրքիան ձենը կտրում է, իսկ այս դեպքում՝ զանգում ես ՀԱՊԿ, ասում են՝ տանը մարդ չկա: Ընդհանուր, թեթևի մեջ ինչ-որ հայտարարություններ են արվում այնտեղից, բայց մատը մատին խփող չկա: Նշանակում է, խնդիրն այնուամենայնիվ ռուսների մեջ չէ, այլ մեր: 

Ցանկացած իրավիճակից ելք կա, բայց դրա համար պետք է այնպես գործել, որ քեզ հարգեն, վստահեն, անհրաժեշտության դեպքում՝ օգնության ձեռք մեկնեն: Ոչ մի բան չեք արել, մի բան էլ հակառակն եք անում, հետո հայտարարում՝ ՀԱՊԿ-ից դժգոհ ենք: Որ այդպես է, ՀԱՊԿ-ն էլ ձեզանից է դժգոհ: Վերջ:



 Պիտակներ

         ՀԱՊԿ, Նիկոլ Փաշինյան, Արթուր Վանեցյան, Ռուսաստան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


























Գործակալ 00
Գործակալ 00
01.01.2020 / 22638


Խոսող ձուկը
Խոսող ձուկը
10.11.2019 / 22122


Պեսիմիստական
Պեսիմիստական
08.03.2020 / 20974


Բոլոլա շաբաթ
Բոլոլա շաբաթ
28.09.2019 / 20456





Բա
Բա
20.11.2020 / 19206



Գործակալ 00
Գործակալ 00
01.01.2020 / 18492





Գործակալ 00
Գործակալ 00
01.01.2020 / 17285

The Tashir spider web
The Tashir spider web
09.12.2019 / 17123